शेजारच्या कर्नाटक व महाराष्ट्रातील वाहतूकदारांनी तसेच अखिल भारतीय लॉरी संघटनेने प्रवेश करास तीव्र विरोध केला आहे. प्रवेश कराविरोधात अजूनही हद्दीवर वाहने अडविणे चालू आहे. लॉरी संघटनेने प्रवेश करासंबंधी केंद्रीय भूपृष्ठ मंत्रालयाला पत्र पाठवून गोवा सरकारला प्रवेश शुल्क रद्द करण्याची मागणी करण्यास सांगावे असे म्हटले होते. या पार्श्वभूमीवर वरील पत्र केंद्रीय मंत्रालयाने पाठविले आहे. प्रवेश शुल्क लागू करणे कायद्यात बसणारे नाही असे केंद्रीय मंत्रालयाचे म्हणणे आहे.

काही दिवसांपूर्वी पर्वरी येथील सचिवालयात झालेल्या बैठकीत या प्रस्तावावर चर्चा करण्यात आली. त्यावेळी मुख्यमंत्री मनोहर पर्रीकर उपस्थित होते.

‘कोठडीत जीव गुदमरतो’

१९९३च्या मुंबई बॉम्बस्फोट खटल्यातील उर्वरित सजा भोगण्यासाठी कोर्टाला शरण आल्यानंतर अभिनेता संजय दत्त याने आर्थर रोड करागृहात पहिली रात्र अत्यंत अस्वस्थपणे घालवली. रात्रभर तो आध्यात्मिक पुस्तके वाचत होता असे त्याच्या वकीलांनी सांगितले.

कोडली-दाभाळ येथील शशिकांत सुर्या देसाई (४०) या फोंडा गुन्हा अन्वेषण विभागात काम करणार्‍या पोलीस शिपायाने घराच्या व्हरांड्यात गळफास लावून आत्महत्या केली. सदर पोलीस शिपाई तीन दिवसांच्या सुट्टीवर होते. परवा सकाळी ९ वाजण्याच्या सुमारास ते घरातून बाहेर पडले होते. परवा रात्रीपासून ते घरी आले नव्हते. फोंडा येते कामावर असताना पोलीस स्थानकावरही रात्रीच्या वेळी राहायचे त्याप्रमाणे कालही ते फोंडा येथे राहिल्याचे समजून चौकशी केली गेली नाही.