भ्रष्टाचारावर नियंत्रण आणायचे असेल तर संसद व विधानसभांचे स्वरूप बदलावे लागेल, असे ‘भ्रष्टाचारविरोधी भारत’चे सदस्य अरविंद केजरीवाल यांनी काल पत्रकारांना बोलताना सांगितले.

जागतिक वारसा स्थळ असलेल्या जुने गोवेसाठी लवकरात लवकर मास्टर प्लॅन तयार करण्यात यावा, अशी मागणी काल जुने गोवे वाचवा कृती समितीने पत्रकार परिषदेतून केली.

डॉ. विलींचा भाजपला सवाल

भाजपने आपल्या जाहीरनाम्यातून पेट्रोल ११ रु.नी कमी करण्याचे तर दयानंद सामाजिक सुरक्षा योजनेखाली लाभार्थींना २ हजार रु. देण्याचे तसेच ३ ते ४ हजार रु. बेरोजगार भत्ता देण्याचे जे जाहीर केले आहे त्यासाठी पक्ष पैसे कुठून आणणार असा सवाल तृणमूल कॉंग्रेसचे गोवा अध्यक्ष डॉ. विल्फ्रेड डिसौझा यांनी काल पत्रकार परिषदेतून केला.

- विश्‍वास मधुकर पेडणेकर, पेडणे.

घराला महत्त्व घरातील सुखासमाधानाने, एकत्र नांदणार्‍या सदस्यांमुळेच येते. त्याचप्रमाणे प्रामाणिकपणे वागणार्‍या लोकप्रतिनिधींमु़ळे चांगला पक्ष बनतो व तेव्हाच त्या पक्षाला महत्त्व प्राप्त होते. मग तो पक्ष कोणताही असो. पण आताच्या राजकारणात हाताच्या बोटावर मोजता येतील इतकेच प्रामाणिक नेते मिळतील. असे असतानाही पक्षाचे नाव खराब होते, कारण इतर नेते बंडखोर किंवा अप्रामाणिक असतात. तरीही त्या प्रामाणिक नेत्यांचा विचार करता, त्यांना निवडून आणणे हे मतदाराचे काम आहे. त्यासाठी त्यांना पाठिंबा देणेही अत्यावश्यक आहे. अर्थात् ते कोणत्याही मोबदल्याविना हे लक्षात घेतले पाहिजे. कारण, काही लाचखाऊंनी पैशांच्या बळावर काही मतदारांना लाचार बनविले आहे. त्याचमुळे मते मिळविण्यासाठी महिला मतदारांना साड्यांचे वाटप, धान्यवाटप, देवस्थानांच्या वार्‍या, खेळाडूंना खेळांचे साहित्य वाटणे, सभेला उपस्थित राहण्यासाठी भत्ता देणे, तरूणांना चिकन-मटण, दारू देणे आदी गोष्टींचा पायंडाच काही राजकीय नेत्यांनी घातला आहे. याची झळ मात्र प्रामाणिक नेत्यांना बसते.

अण्णा हजारे यांनी चेतविलेली राष्ट्रचेतना विझवण्याचा वसाच त्यांच्या तथाकथित टीमने घेतला आहे की काय नकळे, परंतु त्या ‘टीम’मधील एकेकाचे वागणेबोलणे पाहिले, तर या आंदोलनाला मिळालेल्या उत्तुंग यशानंतर त्या शिखरावर टिकून राहणे शक्य न झाल्याने दिवसेंदिवस घसरणच चालली आहे असे दिसेल. या घसरणीचा नवा अध्याय परवा लिहिला अरविंद केजरीवालांनी. गोव्यात येऊन येथील जनतेला भ्रष्टाचार्‍यांविरुद्ध मतदान करण्याचे आवाहन करणार्‍या केजरीवालांना स्वतःच्या मतदानाचा मात्र सोयीस्कर विसर पडला. उत्तर प्रदेश विधानसभा निवडणुकीत स्वतःचे मत टाकायला तर ते विसरलेच, परंतु स्वतःचे नाव मतदारयादीत आहे की नाही हे पाहण्याची तसदीदेखील त्यांनी घेतली नाही. देशातील लोकशाही बुलंद करण्याची भाषा करणार्‍या केजरीवालांच्या उक्ती आणि कृतीमधील ही तफावत ‘टीम अण्णा’च्या नैतिक अधिष्ठानाचा पायाच कमकुवत करते. काही दिवसांपूर्वी किरण बेदी यांनी आपल्या प्रवासदौर्‍यांची बिले कशी फुगवली त्याचा तपशील उघडकीस आला होता.

पंतप्रधान मनमोहन सिंग यांच्या साखळी सरकारी महाविद्यालयाच्या मैदानावरील सभेस परवानगी मिळाली असून ही सभा आज संध्याकाळी ४.०० वा. होणार आहे.

ताळगांव मतदारसंघात काही राजकीय कार्यकर्ते आधार कार्डे वितरीत करीत असल्याचा आरोप विरोधकांनी केला आहे.

पुरुषांमधील समलिंगी संबंधांबाबत आपले मत बदलत केंद्राने काल गे-सेक्सला गुन्हा न मानण्याची भूमिका सर्वोच्च न्यायालयासमोर घेतली. यामुळे संताप व्यक्त करत कोर्टाने सरकारला धारेवर धरले व व्यवस्थेची थट्टा करीत असल्याची टीप्पणी केली.

केंद्रीय अर्थमंत्री प्रणव मुखर्जी यांनी गोव्याला विशेष दर्जा देण्याच्या मागणीच्या बाबतीत घटनेतील ३७१ कलमाखालील तरतुदीचा उल्लेख केलेला नाही. गोव्याची ही मूळ मागणी असल्याचे राज्यसभेचे खासदार शांताराम नाईक यांनी वरील प्रकरणी खुलासा करताना स्पष्ट केले.

स्वतःच्या मतदानाचा पडला विसर; मतदारयादीत नावच नाही!

गोव्यात मतदारांमध्ये जनजागृती करण्यासाठी येणारे टीम अण्णाचे सदस्य अरविंद केजरीवाल यांना स्वतः करायच्या मतदानाची मात्र आठवण राहिली नाही. गोव्याला यायला निघालेल्या केजरीवाल यांना तुम्ही इतरांना मतदान करायला सांगता, पण उत्तर प्रदेशमधील गाझियाबादमध्ये स्वतःचे मत देणार नाही का, असा सवाल करून पत्रकारांनी धारेवर धरताच ते आपली गोवा भेट रद्द करून गाझियाबादकडे निघाले. मात्र, मतदारयादीत त्यांचे नावच नसल्याचे तेथे स्पष्ट झाले. त्यामुळे केजरीवाल यांनी स्वतः मतदान केलेच नाही.

संसदेपेक्षा भारतांतील जनता सर्वोच्च असल्याचे ‘इंडिया अगेन्स्ट करप्शनचे’ अरविंद केजरिवाल यांनी पाजीफोंड येथील नरसिंह दामोदर नायक सभागृहांत खचाखच भरलेल्या सभागृहांत सांगितले.

- दिलीप बोरकर

गोवा विधानसभा निवडणुकीच्या मतदानास फक्त दोनच दिवसांचा अवधी राहिलेला आहे. निवडणुकीचा जाहीर प्रचार उद्या १ मार्च रोजी संध्याकाळी ५ वाजता संपुष्टात येणार आहे. ३ मार्च रोजी मतदान होणार असून तत्पूर्वी ४८ तास अगोदर म्हणजे १ मार्च रोजी सायंकाळी ५ वाजेपर्यंत सर्वांनाच जाहीर प्रचार बंद करावा लागणार आहे.

गोव्यासारख्या प्रगत राज्याला विशेष दर्जा देण्याची आवश्यकता नसल्याची स्पष्टोक्ती केंद्रीय अर्थमंत्री प्रणव मुखर्जी यांनी केल्याने निवडणूक आली रे आली की ‘विशेष दर्जा’ चे गाजर दाखवण्याच्या नेत्यांच्या प्रयत्नांना चपराक बसली आहे. सोनिया गांधींनी काही वर्षांपूर्वी आपल्या प्रचारसभेत, गोव्याला विशेष दर्जा देण्याबाबत विचार करू अशी जाहीर ग्वाही दिली होती आणि तेव्हापासून ते गाजर सतत जनतेपुढे नाचविले जाते आहे. वास्तविक गोव्यासारखे प्रगत राज्य ‘विशेष दर्जा’ मिळवण्याच्या कोणत्याही निकषामध्ये कुठल्याही अंगाने बसत नाही, परंतु हे पक्के ठाऊक असतानाही केवळ राजकीय कारणांसाठी हे गाजर गोमंतकीय जनतेला दाखवले जात आले आहे. राष्ट्रीय विकास आयोगाद्वारे केवळ अकरा राज्यांना आजवर हा विशेष दर्जा दिला गेलेला आहे. ईशान्येतील सात राज्ये आणि सिक्कीम, उत्तराखंड, हिमाचल प्रदेश आणि जम्मू व काश्मीर यांना हा दर्जा आहे. झारखंडसारख्या मागास राज्यालादेखील अजून हा दर्जा मिळालेला नाही, मग तो गोव्याला मिळेल अशी अपेक्षा करणे म्हणजे स्वतःचीच फसवणूक करून घेण्यासारखे आहे. जे निकष विकास आयोगाने पुढे ठेवले आहेत, त्यानुसार केवळ डोंगराळ, दुर्गम प्रदेश असलेल्या, सीमावर्ती, अपुर्‍या आर्थिक व सामाजिक साधनसुविधा असलेल्या, आदिवासींची मोठी लोकसंख्या असलेल्या, मागास राज्यालाच हा दर्जा देण्यात येतो.

- डॉ. सीताकांत घाणेकर

भगवान बुद्ध म्हणतात, ‘‘तीन गोष्टी फार काळ लपून राहू शकत नाहीत - सूर्य, चंद्र व सत्य.’’

खरेच किती सत्य आहे बुद्धांचे हे मत. पण तरी देखील सामान्य माणूस स्वार्थ, प्रलोभन, भीती, अज्ञान... यामुळे सत्यापासून दूर राहतो. एवढेच नाही तर सज्ञान व्यक्ती ह्याबद्दल ज्ञान असूनसुद्धा असत्याच्या मार्गाने जातात. अनेक वेळा आपण असे का वागलो ह्याचे समर्थन करतात. बहुधा त्यांचा स्वतःचा स्वार्थच इथे जास्त डोकावतो.

- प्रा. रमेश सप्रे

‘गंमत म्हणून तुम्हाला एक गोष्ट सांगतो. जगातील एक श्रीमंत माणूस होता हेन्‌री फोर्ड. मोटारींचा त्याला सम्राट म्हणायचे. अजूनही त्याचं साम्राज्य आहेच.. तर एकदा त्याची स्वतःची गाडी बंद पडली. टॅक्सीनं जावं लागलं. उतरल्यावर मीटरप्रमाणे पैसे देऊन तो टॅक्सीवाल्याकडून परत मिळावयाच्या पैशांची वाट पाहत थांबला. यावर तो टॅक्सीवाला म्हणाला, ‘आपण श्री. हेन्‌री फोर्ड ना?’ यावर होकार मिळताच तो म्हणाला, ‘‘तुमचा मुलगा कधी टॅक्सीनं गेला तर असा थांबत नाही. ‘उरलेले पैसे तुम्हीच ठेवा(कीप द चेंज)’ असं म्हणून चालायला लागतो.’’ हेन्‌री फोर्ड लगेच म्हणाला, ‘बरोबर आहे कारण त्याचा बाप श्रीमंत आहे. माझा नाही.’ याचा अर्थ समजून सत्यवान मनापासून हसला. म्हणजे त्याला गोष्टीचं तात्पर्य कळलं होतं. शिकवण समजली होती. आता पुढचं सांगायला हरकत नव्हती.

निवडणूक आयोगाच्या मार्गदर्शक तत्त्वानुसार शैक्षणिक मालमत्तेत निवडणूक प्रचारसभा घेण्यास बंदी असल्याने साखळी येथील सरकारी महाविद्यालयाच्या मैदानावर आयोजित केलेल्या पंतप्रधान डॉ. मनमोहनसिंग यांच्या प्रचारसभेस परवानगी मिळण्यात अडचण निर्माण झाली आहे. त्यामुळे काल कॉंग्रेस पदाधिकार्‍यांची धावपळ सुरू होती.

साळगाव मतदारसंघातील अपक्ष उमेदवार फ्रान्सिस्को झेवियर कुलासो यांना काल पर्वरी पोलिसांनी अटक केली.

एफ ऍण्ड सी कन्स्ट्रक्शन कंपनीचे मालक व बिल्डर यांना दिलेला धनादेश न वटल्याच्या गुन्ह्यावरून १३८ (एनआयए) कलमाखाली पर्वरी पोलिसांनी त्यांना अटक केली. कुलासो रेईस मागूस पंचायतीचे माजी सरपंच आहेत. त्यांच्यावर धनादेश न वटण्याच्या प्रकरणात गुन्हे नोंद झाले असून त्याच एका प्रकरणात म्हापसा येथील न्याय दंडाधिकार्‍यांनी अटक करण्याचे आदेश दिले असता पर्वरी पोलिसांनी त्यांना निवासस्थानाहून अटक केली.

यंदाच्या ८४व्या ऑस्कर पुरस्कार समारंभात फ्रेंच प्रेमकहाणीचे कथानक असलेल्या कृष्णधवल मूकपट ‘दि आर्टिस्ट’ने महत्त्वाचे बहुतेक पुरस्कार मिळविले. या चित्रपटास महत्त्वाच्या विभागांतील एकूण पाच पुरस्कार मिळाले.

निवडणूक कायद्याचा भंग करणारे काही एसएमएस सध्या वितरित केले जात असल्याचे निवडणूक आयोगाला आढळून आल्यावर भ्रमणध्वनिवरून पाठविण्यात येणार्‍या एसएमएसवर निवडणूक आयोग लक्ष ठेवणार आहे. दरम्यान, निवडणूक प्रचार थांबवण्यात आल्यानंतर मतदानाच्या ४८ तास अगोदर राजकीय स्वरूपाचे एसएमएस पाठविण्यावरही बंदी घालण्यात आली आहे.

केंद्र सरकारच्या कामगार विरोधी धोरणाच्या निषेधार्थ आज मंगळवार दि. २८ रोजी आयोजित करण्यात आलेल्या देशव्यापी संपात गोव्यातील कामगार वर्गही सहभागी होणार असल्याचे ऑल इंडिया ट्रेड युनियन कॉंग्रेसचे येथील सरचिटणीस ख्रिस्तोफर फोन्सेका यांनी काल येथे घेतलेल्या पत्रकार परिषदेत सांगितले.

- एन्. शिवदास.

शुक्रवार दि. १० फेब्रुवारीच्या दै.‘नवप्रभा’च्या अंकात आमचे मित्र शंभू भाऊ बांदेकर यांचे ‘एका सच्चा कॉंग्रेसमनचे प्रदेशाध्यक्षांना अनावृत्त पत्र’ वाचनात आले. सदर पत्र वाचून माझे भाकीत खरे ठरले. मी कॉंग्रेस पक्षाचा माझा राजीनामा दिला, त्यालाही शंभूंनी व्यक्त केलेली काही कारणे आहेत. शंभू भाऊंनी जे मुद्दे मांडलेले आहेत, त्या मुद्द्यांना प्रदेशाध्यक्ष सुभाष शिरोडकर कधी उत्तरे देण्याच्या फंदात पडणार नाहीत. कारण, तेवढी क्षमता आणि धमक त्यांच्यात नाही. शिवाय पत्रात व्यक्त केलेल्या विचारांची सभ्यतेने मनोमन कदर करण्याची वैचारिक कुवतही दिसत नाही.

वेळ्ळी येथे शनिवारी पोलिसांवर अत्यंत अमानुष हल्ला झाला. तेथील धर्मगुरू फादर रोमानो यांच्याकडे माहिती मिळवण्यासाठी गेलेल्या गुन्हे अन्वेषण विभागाच्या तिघा पोलिसांना आत कोंडून, चर्चच्या घंटानादाद्वारे लोकांना गोळा करून अत्यंत अमानुषपणे मारहाण केली गेली आणि आता या घटनेचा निषेध करणे तर दूरच, उलट आपले कर्तव्य बजावण्यासाठी वेळ्ळीत गेलेल्या त्या पोलिसांनाच निलंबित करावे यासाठी स्थानिक आमदार फिलीप नेरी रॉड्रिग्स वरिष्ठ पोलीस अधिकार्‍यांवर राजकीय दडपण आणीत आहेत. फिलीप नेरी यांची ही कृती येत्या तीन तारखेवर डोळा ठेवूनच आहे हे स्पष्ट आहे. या हल्ल्यानंतर फादर रोमानो यांच्यासह दीड हजार लोकांविरुद्ध गुन्हे जरी नोंदवले गेले असले, तरी या प्रकरणात घुसलेले राजकारण पाहाता पोलिसांनाच तंबी दिली जाण्याची शक्यता अधिक आहे. हे सारे प्रकरण म्हणजे भरारी पथकाने काही दिवसांपूर्वी फादर रोमानो यांच्यावर टाकलेल्या छाप्याचा दुसरा अध्याय आहे. त्या छाप्यानंतर वेळ्ळीतील साडेपाच हजार नागरिक तीन तारखेला मतदान करणार नाहीत अशी धमकी फादर रोमानो यांनी दिली होती. नागरिक खरोखरच मतदान करणार नाहीत का याची माहिती मिळवण्यासाठी सीआयडीचे तिघे पोलीस वेळ्ळीत शनिवारी गेले होते.

येथील सफामशीदीच्या तळीत काल सकाळी अंदाजे ३५ वर्षे वयाच्या इसमाचा मृतदेह लोकांना आढळून आला. पंचायत सदस्य फारूक मुल्ला यांनी फोंडा पोलिसांना खबर दिली. पोलिसांनी येऊन पाहणी केली असताना मृतदेह तरंगताना दिसला. अग्निशामक दलाला पाचारण करून तो पाण्याबाहेर काढण्यात आला.

भारतीय जनता पक्षाचे राष्ट्रीय अध्यक्ष नितीन गडकरी यांची प्रचाराची जाहीर सभा सोमवार दि. २७ रोजी सायंकाळी ६ वा. केळबायवाडा मये येथे आयोजित करण्यात आली आहे.

सभापती प्रतापसिंह राणे व उत्तर गोव्यातील अन्य कॉंग्रेस उमेदवारांच्या प्रचारासाठी पंतप्रधान डॉ. मनमोहनसिंग यांचे बुधवार दि. २९ रोजी गोव्यात आगमन होत असून त्या दिवशी दुपारी २ वाजता साखळी येथील सरकारी महाविद्यालयाच्या मैदानावर त्यांच्या जाहीर सभेचे आयोजन केले आहे.

गोपीनाथ मुंडे यांचे कॉंग्रेसला आव्हान

हिंमत असेल तर यूपीएच्या अध्यक्ष सोनिया गांधी यांनी गोवा विधानसभा निवडणुकापुर्वी बेकायदेशीर खाणीवरील एम. बी. शाह यांचा अहवाल जाहीर करावा, असे आव्हान काल भाजपचे ज्येष्ठ नेते व पक्षाचे लोकसभेतील उपनेते गोपीनाथ मुंडे यंनी दिले.

निवडणूक प्रचारासाठी बाहेरून येणार्‍या कॉंग्रेस नेत्यांना ‘फॅमिली राज’चे समर्थन करण्यावाचून अन्य कोणताही पर्याय राहिलेला नसून राजकारणात घराणेशाही हा विषय मला पटत नाही, नव्या मतदारांना राजकारण्यांच्या नव्या पिढीविषयी आकर्षण वाटत आहे. त्यामुळेच त्यांना उमेदवारी दिल्याचे केंद्रीय वीजमंत्री सुशिलकुमार शिंदे यांनी काल पत्रकार परिषदेत सांगितले.

रामदेव बाबांपाठोपाठ ‘भ्रष्टाचारविरोधी भारत’नेही आपल्या प्रचाराचा कार्यक्रम जाहीर केला आहे.

संघटनेच्या गोवा विभागाने जनजागृतीसाठी दि. २८, २९ फेब्रुवारी व दि. १ मार्च रोजी गोव्यात विविध ठिकाणी कार्यक्रमांचे आयोजन केले. आहे.

उत्तर प्रदेशमधील राष्ट्रीय ग्रामीण आरोग्य मिशनशी संबंधित घोटाळ्याप्रकरणी काल २३ ठिकाणी पुन्हा छापे टाकण्यात आले. लखनौ, वाराणसी, गाझियाबाद, कानपूर, झांसी, मीरत येथे हे छापे टाकले गेले. प्रमुख वैद्यकीय अधिकारी व उपवैद्यकीय अधिकार्‍यांच्या घरांवर हे छापे टाकले गेले.

भारतीय जनता पक्षातर्फे आज २६ फेब्रुवारी रोजी संध्याकाळी ५ वा. पैंगीण बाजारात जाहीर सभेचे आयोजन केले आहे. या सभेत महाराष्ट्राचे माजी उपमुख्यमंत्री तथा खासदार गोपीनाथ मुंडे यांचे प्रमुख भाषण होणार आहे.

भाजप, मगो युतीत रिपब्लिकन पार्टी ऑफ इंडिया व शिवसेना सहभागी होण्यास उत्सुक होते. आम्ही भाजपला तसा प्रस्तावही दिला होता. पण भाजपने प्रतिसाद दिला नसल्याचे रिपब्लिकन पक्षाचे नेते रामदास आठवले यांनी काल येथे घेतलेल्या पत्रकार परिषदेतून सांगितले.

निवडणूक भरारी पथकाने पेडणे तालुक्यातील मांद्रे व पेडणे या दोन ठिकाणी तक्रारीनुसार छापे टाकून हाती शेवटी काहीच मिळाले नसल्याने अधिकार्‍यांना हात हलवत परत फिरावे लागले.

विधानसभा निवडणुकीच्या पार्श्‍वभूमीवर मतदारांमध्ये जागरूकता निर्माण करण्यासाठी उत्तरांचल, हरीद्वार व नाशिक येथून आलेल्या केंद्रीय राखीव पोलीस दलाच्या जवानांनी वास्को तसेच दाबोळी मतदारसंघाच्या विविध भागांमध्ये संध्याकाळी ध्वजसंचलन केले.

- रमेश सावईकर

गोवा राज्य विधानसभा निवडणूक अवघ्या चार दिवसांवर येऊन ठेपली आहे. मतदारराजाला आपला मतदानाविषयीचा निर्णय पक्का करून दि. ३ मार्च रोजी आपले कर्तव्य जबाबदार नागरिक म्हणून पार पाडायचे आहे. या पार्श्वभूमीवर राज्यात निवडणुकीबाबत गेल्या दोन महिन्यांत ज्या घटना घडल्या, निवडणुकीच्या तयारीच्या अंतिम टप्प्यात घडत आहेत, त्याबद्दल सद्सद्विवेकबुद्धीनुसार विचार करणे आवश्यक आहे.

दीर्घकालीक उद्योगांच्या उभारणीसाठी कोणकोणती पथ्ये उद्योजकांनी पाळणे आवश्यक आहे, त्यावर स्वानुभवाच्या आधारे मौलिक मार्गदर्शन करणारे किशोर चौकर यांचे स्व. नानी पालखीवाला स्मृती व्याख्यान नुकतेच पणजीत झाले. चौकर हे टाटा इंडस्ट्रीज या टाटा समूहाच्या मुख्य कंपनीचे व्यवस्थापकीय संचालक आहेत. तत्पूर्वी ते आयसीआयसीआयमध्ये वरिष्ठ पदावर होते. आपल्या या अनुभवाच्या शिदोरीवर त्यांनी व्यवस्थापनाच्या कुठल्याही पाठ्यपुस्तकात आढळणार नाहीत, अशा बाबी आपल्या व्याख्यानातून अधोरेखित केल्या, ज्या उद्योग - व्यवसायाच्या क्षेत्रात काही करून दाखवण्याची मनीषा बाळगणार्‍यांना निश्‍चितच प्रेरणादायी आणि मार्गदर्शक ठराव्यात. आजच्या बदलत्या काळात आपल्या उद्योगांचे अस्तित्व राखण्यासाठी दोन गोष्टींचे महत्त्व जाणण्याची सूचना त्यांनी केली आहे. एक म्हणजे पर्यावरण आणि दुसरी समाज. आज औद्योगिक क्षेत्रामध्ये जो असंतोष निर्माण होताना दिसतो त्यामागे मुख्यत्वे या दोन गोष्टींकडे झालेले उद्योजकांचे दुर्लक्षच कारणीभूत असते यात शंका नाही. गोव्यातील खाण व्यवसायाविरुद्ध आज जनमत निर्माण झाले आहे, त्यामागेही पर्यावरण आणि समाजहित या दोन गोष्टींचे भान ठेवण्याकडे या क्षेत्रात नव्याने घुसलेल्या मंडळींचे झालेले दुर्लक्षच कारणीभूत आहे.

- डॉ. सोमनाथ कोमरपंत

आदरणीय कविश्रेष्ठ कुसुमाग्रज ऊर्फ तात्यासाहेब शिरवाडकर,

सविनय नमस्कार.

तुम्हाला संवाद करायला आवडायचा म्हणून हे पत्र. तुमच्या जन्मशताब्दीची सांगता उद्या होत आहे. विसाव्या शतकाच्या पहिल्या दशकानंतर २७ फेब्रुवारी १९१२ मध्ये पुण्यनगरीत तुमचा जन्म. भारतीय कविकुलातील श्रेष्ठ कवी म्हणून तुमचा कीर्तिसुगंध दरवळत आहे. सर्जनशीलतेला सुजनत्वाचा स्पर्श झाला की ती द्विगुणित होते. तिला गोडवा प्राप्त होतो. हा आल्हाददायी प्रत्यय आम्हाला दीर्घकाळ घेता आला. कविता हा तुमचा मर्मबंध. कवितेशिवाय नाटक, कादंबरी, कथा, ललितनिबंध, आस्वादक समीक्षा आणि अनुवाद याही क्षेत्रांत तुम्ही अनिरुद्ध संचार केला. तिथेही ‘कुसुमाग्रजत्वा’ची मुद्रा उमटविली. या वाङ्‌मयनिर्मितीमागे तुमचे एकात्म मन आहे. एका संपन्न क्षितिजाचे हे प्रतिबिंबरूप आहे. तुमच्याइतकेच ते विलोभनीय आहे. परिणत प्रज्ञा, उन्मेषशालिनी प्रतिभा, प्रगाढ चिंतनशीलता, उत्तुंग कल्पनाशक्ती आणि समर्थ शब्दकळा यांच्या गुणसंगमातून अवतरलेले हे अक्षरशिल्प आहे.

- य. रा. गाडगीळ

सुमारे एक वर्षापूर्वी अंदमानला जाण्याची सुसंधी मिळाली. आम्ही दोबोळी विमानतळ सोडून चेन्नई गाठले. माझा हा पहिलाच हवाई प्रवास असल्याने सर्व बारीकसारीक गोष्टी मी लहान मुलांच्या उत्कंठेने पाहत होतो. एकट्याने करण्याजोगा हा प्रवास मुळीच नव्हता. एक दिवस चैन्नईला उगाच विश्रांती घेतली व दुसरे दिवशी सकाळी पोर्टब्लेयरसाठी पुन: विमान गाठले.

- लाडोजी परब

सिंधुदुर्गातील संस्कृतीचा शोध घेताना येथील काही चमत्कारिक घटनांचे गूढ अचंबित करते. ग्रामीण भागातील देवालये, त्यांच्या प्रथा - परंपरा व चालीरीती खूप काही शिकवून जातात. वरवर पाहता ती अंधश्रद्धा भासते; पण खोलवर जाऊन विचार केल्यास ती डोळस श्रद्धा म्हटल्यावाचून पर्याय उरत नाही. असे अनेक दाखले मिळाल्याने ग्रामीण लोकांच्या जीवनात ही श्रद्धास्थाने अमूल्य ठेवा बनलेली आहेत. शरीराच्या कुठल्याही अवयवाचं दुखणं असेल तर तेथे फक्त नवस बोलला जातो. तो फेडताना त्याच अवयवाची मातीची प्रतिकृती देवाला अर्पण केली जाते. ते धार्मिक स्थळ म्हणजे श्रीदेव घोडेमुख! मातोंड (ता. वेंगुर्ला) येथील हे प्रसिद्ध देवस्थान. येथील ‘कोंबड्याची जत्रा’ तर सर्वपरिचित आहे. कुठल्याही तीर्थाने रोग्यावर इलाज होऊ शकतो ही गोष्ट निव्वळ भूलथाप वाटेल. पण वेतोरे (ता. वेंगुर्ला) येथील सातेरीच्या न्हावणाने अनेक त्वचारोग बरे झाल्याचे दाखले सापडतात. या अद्भुततेमुळेच कोकणातील देवस्थानांचे महत्त्व वर्षानुवर्षे अबाधित राहिले आहे.

ब्यूनेस आयर्स या अर्जेंटिनाच्या राजधानीत रेल्वेच्या झालेल्या दुर्घटनेत किमान ४९ प्रवासी ठार तर ६०० प्रवासी जखमी झाले आहेत. रेल्वे स्टेशनच्या संरक्षक कठड्यांवर आगगाडी आदळल्यामुळे हा अपघात झाल्याचे सूत्रांनी सांगितेल. प्रती तास २६ किमी वेगाने धावणारी ही रेल्वे आठ डब्यांची होती. सकाळी साडेआठच्या दरम्यान ही घटना घडली.

गोव्यात भाजपचे सरकार सत्तेवर आल्यास पेट्रोल अकरा रुपयांना देण्याच्या त्यांच्या आश्‍वासनावर कोणीही विश्‍वास ठेवू शकत नाही. प्रत्यक्षात ते शक्य होणारच नाही, असे सांगून आश्‍वासने देवून जनतेला फसवणे हा भाजपचा धर्म असल्याची टीका दिल्लीच्या मुख्यमंत्री तथा कॉंग्रेसच्या ज्येष्ठ नेत्या शीला दीक्षित यांनी काल पत्रकार परिषदेत केली.

यापुढे आपण विधानसभा निवडणूक लढविणार नसून ही आपली शेवटची निवडणूक असल्याचे पर्ये मतदारसंघाचे उमेदवार तथा सभापती प्रतापसिंह राणे यांनी प्रुडंट मीडियाला दिलेल्या मुलाखतीत स्पष्टपणे सांगितले आहे.

हणजूण मुड्डीवाडा चिकर येथील एका हॉटेलवर हणजूण पोलिसांनी छापा टाकत वेश्या व्यवसायात गुंतलेल्या आंध्रप्रदेश येथील पाच युवतींची सुटका केली तर हॉटेल मालक व व्यवस्थापकासहीत एकूण आठ जणांना अटक केली आहे.

गुंतवणुकीवरील करसवलतही वाढवण्याचा प्रस्ताव

आयकर सवलत मर्यादा तीन लाखांपर्यंत वाढवण्याची व गुंतवणुकीवरील करसवलत अडीच लाखांपर्यंत वाढवण्याची शिफारस प्रत्यक्ष कर कायद्याविषयक संसदीय समितीने करायचे ठरवले आहे. या समितीच्या सर्व सदस्यांमध्ये त्याबाबत एकमत झाल्याचे अर्थविषयक स्थायी समितीचे अध्यक्ष व ज्येष्ठ भाजप नेते यशवंत सिन्हा यांनी काल सांगितले. सध्या आयकर सवलत एक लाख ऐंशी हजार रुपये आहे. ती तीन लाखांपर्यंत वाढवण्याची शिफारस समितीने केलेली असल्याचे त्यांनी सांगितले. महागाईशी झगडणार्‍या जनतेसाठी तो दिलासा ठरेल असे ते म्हणाले.

- कॅजिटन परेरा

येत्या ३ मार्च रोजी होणारी गोवा विधानसभेची निवडणूक ही लोकशाहीची एकप्रकारे विटंबनाच म्हणावी लागेल. मालदीव बेटावर असल्यासारखी परिस्थिती सर्वच मतदारसंघांत आहे. पक्षाचा कार्यकर्ता म्हणून ज्याचा तिकिटावर हक्क असावयास हवा, त्याला बकोटीला धरून दूर ङ्गेकण्यात आले आहे आणि कधीही पक्षामध्ये आले नव्हते त्यांना उमेदवारी देण्यात आली आहे. भाजपा आणि कॉंग्रेस या दोन्ही पक्षांत हा सावळागोंधळ आहे. दोन्ही पक्ष उजवे-डावे म्हणण्याच्या योग्यतेचे नाहीत. त्याच मार्गाने राष्ट्रवादी कॉंग्रेस पक्षही चालला आहे. भरकटलेल्या या राजकीय अवस्थेचा ङ्गायदा घेऊन गोंयकारांनी कधीही न ऐकलेले काही राजकीय पक्षही निवडणूक रिंगणात उतरले आहेत. हिंदू-ख्रिश्‍चन-मुस्लीम मतदारही मिळेल त्या पक्षामध्ये धावत आहेत. पळा.. पळा.. कोण पुढे पळे तो...! अशीच अवस्था आजच्या या निवडणुकीची आहे. जी पूर्वीच्या विधानसभा निवडणुकीत कधीही नव्हती.

योगगुरू बाबा रामदेव यांनी गतवर्षी जूनमध्ये वाढता भ्रष्टाचार व विदेशांत भारतीयांनी दडवलेला काळा पैसा याविरुद्ध जे आंदोलन दिल्लीत पुकारले ते चिरडून टाकण्यासाठी सरकारने मध्यरात्री केलेल्या पोलिसी कारवाईवर सर्वोच्च न्यायालयाने परवा जोरदार ताशेरे ओढले. ही जबरी कारवाई अनावश्यक तर होतीच, परंतु भारतीय लोकशाहीने दिलेल्या अभिव्यक्तिस्वातंत्र्याच्या मूलतत्त्वांवरील तो घालाच होता, अशी सुस्पष्ट व ऐतिहासिक टिप्पणी खंडपीठाने केलेली आहे. रामदेव यांच्यासमवेत हजारो सत्याग्रही दिल्लीच्या रामलीला मैदानावरील मंडपात अत्यंत शांततापूर्ण रीतीने सहभागी झालेले असताना अचानक मध्यरात्री पोलिसांनी लाठीमार, अश्रूधुराची नळकांडी फोडून जो हाहाःकार माजवला त्याचा निषेध तर न्यायालयाने केला आहेच, शिवाय जे पोलीस या कारवाईत सामील झाले होते व ज्यांनी बळाचा अतिरिक्त वापर केला त्यांच्यावर कारवाई करण्याचे निर्देशही दिले आहेत. बाबा रामदेव यांचे आंदोलन कोठेही हिंसक वळणावर पोहोचले नव्हते.

पारंपरिक प्रतिस्पर्धी साळगावकर स्पोर्टस क्लबवर ३-२ असा झुंजार विजय मिळवित धेंपो स्पोर्टस क्लबने जीएफए आयोजित किंगफिशर सुपर लीग फुटबॉल स्पर्धेतील विजयाचे पूर्ण गुण प्राप्त केले. येथील नेहरू स्टेडियमवर विद्युतझोतात रंगलेल्या या अटीतटीच्या व उत्कंठावर्धक लढतीत विजेत्या धेंपोतर्फे कोको साकिबो (१४ आणि ४४वे मिनिट) आणि रँटी माटिंन्स यानी तर साळगावकरचे दोन्ही गोल रयुजी सुओकाने (३० आणि ८९वे मिनिट) नोंदले.

अभाविपकडून निषेध

गोवा सरकारच्या शिक्षण खात्याने शाळांना पाठवलेल्या एका परिपत्रकाद्वारे आठव्या इयत्तेच्या पुस्तकातून ‘गोव्याचा इतिहास’ नावाचा पाठ वगळण्यास भाग पाडल्याचे निदर्शनास आले आहे. या पाठात परशुरामाचा असलेला उल्लेख काढून टाकण्यासाठीच हा निर्णय घेतलेला आहे हे लक्षात येते, असे अखिल भारतीय विद्यार्थी परिषदेच्या पत्रकात म्हटले आहे.

शिक्षणमंत्री बाबुश मोन्सेर्रात यांच्या पत्नी व ताळगांव मतदारसंघातील कॉंग्रेस उमेदवार जेनिफर मोन्सेर्रात यांनी निवडणूक आयोगाची परवानगी न घेता दोन वाहनांना (जीए ०६ डी २२२८ व जीए ०९ ई ०३३३) प्रचार कार्यासाठी वापर केल्याबद्दल त्यांच्याविरुध्द पणजी पोलीस स्थानकात एफ्‌आयआर नोंदवण्यात आले आहे.

जेटी सडा येथे बुधवारी रात्री स्थानिक पुरुष व महिलांना मारहाण करून धुडगूस घातल्याप्रकरणी मुरगाव पोलिसांनी इंडियन रिझर्व बटालियनच्या पाच जवानांना अटक केली आहे.

गे-सेक्सला (पुरुषांमधील समलिंगी संबंध) मान्यतेबाबत सुप्रीम कोर्टात काल केंद्रीय गृहमंत्रालयाकडून दोनदा भिन्न मते मांडण्याचा प्रयत्न झाला.आधी नैतिक मूल्यांचा हवाला देत गृहमंत्रालयाने समलिंगी संबंधांना मान्यता दिली जाऊ नये असे सांगितले मात्र नंतर समलिंगी संबंधांबाबत सरकारने अजून कोणतीच भूमिका घेतली नसल्याचे सांगितले.

- शंभू भाऊ बांदेकर

गोव्यासह पाच राज्यांच्या विधानसभा निवडणुका होऊ घातल्या आहेत. त्यात अर्थात महाराष्ट्र राज्याचा समावेश नाही, पण त्या राज्यातील दहा महापालिका, जिल्हा परिषदा आणि पंचायत समित्यांच्या निवडणुका याच महिन्यात होत्या, त्यामुळे सांगली येथे संपन्न झालेल्या अखिल भारतीय नाट्य संमेलनाचे उद्घाटन करण्यास महाराष्ट्राचे मुख्यमंत्री पृथ्वीराज चव्हाण यांना निवडणूक आयोगाने रोखले. मुख्य म्हणजे ज्या दहा महापालिकांची निवडणूक होणार होती, त्यात सांगलीचा समावेश नव्हता, तसेच नाट्य संमेलन हे बिगर राजकीय स्वरूपाचे असून तेथे मुख्यमंत्री कुठलीही घोषणा करणार नसल्याचे राज्य निवडणूक आयोगाला कळविण्यात आले होते, तरीही चव्हाण यांना नाट्यसंमेलनास जाण्यापासून रोखण्याची घटना घडली.

राजकारण हा पैशाचा खेळ बनला आहे आणि त्यात सर्वसामान्य माणसाला आज स्थान राहिलेले नाही या जनतेच्या धारणेला पुष्टी देणारा तपशील नॅशनल इलेक्शन वॉचने जाहीर केला आहे. सध्या निवडणुकीच्या रिंगणात उभ्या असलेल्या सर्वपक्षीय उमेदवारांच्या अधिकृत प्रतिज्ञापत्रांचे विश्‍लेषण करून त्यांनी मांडलेला तपशील हे खरे तर हिमनगाचे टोक आहे. या विश्‍लेषणाला उमेदवारांनी घोषित केलेल्या माहितीचा आधार आहे. अघोषित गोष्टींच्या मुळाशी जायचे ठरवले तर याहून अनेकपटींनी धक्के बसल्यावाचून राहणार नाहीत. काही ठळक बाबी या विश्‍लेषणातून अधोरेखित होतात. पहिली गोष्ट म्हणजे धनाढ्य उमेदवारांच्या संख्येत होणारी लक्षणीय वाढ. गोव्याची पहिली निवडणूक आणि सध्याची निवडणूक यात किती जमीन अस्मानाचे अंतर पडलेले आहे. भाऊसाहेबांनी गोरगरिबांमधून उमेदवार घडवले, तर आज राजकीय पक्ष पैसा पाहून उमेदवारी देऊ लागले आहेत. प्रसंगी आपल्या निष्ठावान कार्यकर्त्याला डावलून ज्याच्या पाशी वैध - अवैध मार्गांनी आलेला प्रचंड पैसा खुळखुळतो आहे, अशांनाच उमेदवारी देण्याचे धोरणच सर्व पक्षांनी अवलंबिले स्पष्ट दिसते आहे.

देशी भाषांतूनच प्राथमिक शिक्षणाचे समर्थन

कॉंग्रेस वगळता राज्यातील जवळजवळ सर्वच राजकीय पक्षांच्या प्रतिनिधींनी प्राथमिक शिक्षण मातृभाषेतूनच झाले पाहिजे या मुद्यावर भर देऊन इंग्रजी माध्यमातील प्राथमिक शाळांना अनुदान देण्याच्या सरकारच्या निर्णयास काल विरोध दर्शविला.

नंतर जामीनावर सुटका

अनिवासी भारतीय असलेल्या दक्षिण आफ्रिकेतील एका उद्योगपतीस मुंबईत मारहाण केल्याप्रकरणी सिने अभिनेता सैफ अली खान याला काल त्याच्या वकीलाच्या चेंबरमध्ये कोलाबा येथे अटक करण्यात आली.

कारोणा येथे बस नदीत पडून झालेल्या अपघाताची चौकशी उत्तर गोवा जिल्हाधिकार्‍यांमार्फत करण्यात येणार आहे. या अपघातात बस नदीत शिरल्याने चार विद्यार्थ्यांसह सहा जणांचा मृत्यू झाला होता.

नुवे येथे पालवीर जार्दीनमध्ये कार्निवल नृत्याच्या वेळी वाद्यवृंदाचे प्रमुख मंजित फर्नांडिस (२०) असोळणा याची अज्ञात तरुणाने पोटात सुरा खुपसून निर्घृणपणे हत्या केली. ही घटना परवा रात्री १०.३० वाजता झाली.

- सौ. देवकी राजेश नाईक, घोगळ, मडगाव

‘‘सुंदर मी होणार! जुनी इंद्रिये जुना पिसारा, सर्व सर्व झडणार. नव्या शक्तीचे पंख मला फुटणार, सुंदर मी होणार! मृत्यू म्हणजे वसंत माझा, मजवरती फुलणार, सौंदर्याचा ब्रह्मा तो मज सौंदर्य घडणार, सुंदर मी होणार!’’

ह्या सुंदर ओळी आहेत स्वातंत्र्यशाहीर कवी गोविंद दरेकर यांच्या. बालपणापासून अपंगत्व आल्याने त्यांना शिक्षण घेता आले नाही, पण त्यांना कविता करण्याचा छंद लहानपणापासून होता. मृत्यूच्या थोडे दिवस आधी लिहिलेल्या या त्यांच्या सर्वोत्कृष्ट कवितेत मृत्यूचे स्वागत केले आहे. मृत्यूच्या पलीकडे जाऊनही एक सुंदर जग निर्माण करता येत ही कल्पनाच किती सुंदर आहे ना? मृत्यूचे स्वागत करून मृत्यूला कवेत घेणे क्वचितच लोकांना जमते. मृत्यूनंतर ज्यांचे अवशेष दानाच्या रूपाने जेव्हा मागे ठेवले जातात त्यांचे आयुष्य खरेच सत्कारणी लागलेले असते.

काही महिन्यांपूर्वी देशातील दुसरी सर्वांत मोठी विमान वाहतूक कंपनी असलेल्या आणि आता पाचव्या स्थानी फेकल्या गेलेल्या ‘किंगफिशर एअरलाइन्स’ भोवतीचे दिवाळखोरीचे ढग अधिक गडद होत चालले आहेत. घर फिरले की घरचे वासेही फिरतात असे म्हणतात, त्याप्रमाणे ‘किंगफिशर’ पुढे अनेक समस्या एका मागून एक उभ्या राहू लागल्या आहेत. खेळत्या भांडवलाची चणचण तर आहेच, परंतु त्या मागोमाग प्राप्तीकर खात्याने त्यांची बँक खाती गोठविली, सेवा कर विभागाने कारवाई सुरू केली, स्टेट बँकेने आपण दिलेले कर्ज एनपीए गृहित धरले, विमान वाहतूक प्राधिकरणाने १७५ वाहतूक परवाने रद्द केले, कंपनीच्या ६४ विमानांच्या ताफ्यापैकी जेमतेम २८ चालू आहेत. भरीस भर म्हणून वैमानिकांचे राजीनामा सत्र सुरू झाले आहे. एकंदरीत विजय मल्ल्या चहुबाजूंनी पुरते घेरले गेले आहेत. ‘किंगफिशर’ ची आजवरची सारी प्रतिष्ठा आणि पत धुळीला मिळवणार्‍या या घडामोडींनी त्यांच्या ग्राहकवर्गालाही मनस्ताप सोसावा लागतो आहे. अचानक रद्द होणारी उड्डाणे, वेळेतील बदल यामुळे धास्तावलेला कॉर्पोरेट ग्राहक तर अन्य विमानकंपन्यांकडे वळला आहे.

श्रीपाद नाईक यांची टीका

कॉंग्रेस पक्षाने २००७ सालच्या विधानसभा निवडणुकीपूर्वी लोकांपुढे जो जाहीरना’ा ठेवला होता, तोच आता प्रसिद्ध केला असल्याची टीका उत्तर गोव्याचे खासदार व ज्येष्ठ भाजप नेते श्रीपाद नाईक यांनी काल येथे घेतलेल्या पत्रकार परिषदेत केली.

सांत आंद्रे मतदारसंघातून निवडणूक लढवणारे भाजप उमेदवार विष्णू वाघ यांनी काल पत्रकारांना एका ‘जगावेगळ्या’ पुलाची कहाणी सांगितली. संपूर्ण जगात कुठे नसेल असा एक पूल सांत आंद्रे मतदारसंघातील डोंगरी या गावी असल्याचे ते म्हणाले.

भाजप नेते अरुण जेटली यांचा आरोप

कॉंग्रेस सरचिटणीस राहुल गांधी यांच्याकडून उत्तर प्रदेशमध्ये निवडणूक आचारसंहितेचा भंग झाल्याच्या तक्रारीच्या पार्श्वभूमीवर निवडणूक आचारसंहितेसंदर्भातील निवडणूक आयोगाचे अधिकारच काढून घेण्याचे प्रयत्न केंद्र सरकारने चालवले असून मंत्रिगटाच्या आज होणार्‍या बैठकीत त्यासंदर्भात निर्णय होण्याची शक्यता व्यक्त करणार्‍या बातम्या काल पसरल्या.

अर्थमंत्रालयाने काल जारी केलेल्या आदेशान्वये पगारी कर्मचार्‍याला त्याचे वार्षिक उत्पन्न ५ लाख रु.पर्यंत असल्यास आयकर विवरणपत्र भरण्याची गरज नाही.

कॉंग्रेस अध्यक्ष सोनिया गांधी यांची मडगाव येथील नियोजित जाहीरसभा दि. २६ ऐवजी शनिवार दि. २५ रोजी होणार आहे. काही कारणास्तव गांधी यांचा गोवा भेटीचा कार्यक्रम एक दिवस आधी निश्‍चित करण्यात आला आहे.

साळगाव मतदारसंघातून अपक्ष म्हणून निवडणूक लढवत असलेले ट्रोजन डिमेलो यांना काल निवडणूक कायद्याचा भंग केल्याप्रकरणी म्हापसा पोलिसांनी काल अटक केली. निर्वाचन अधिकारी जयंत तारी यांनी त्यांच्याविरुद्ध तक्रार केल्यानंतर पोलिसांनी ही कारवाई केली.

कोलमरड नावेली येथील आकाश अपार्टमेंटमधील दुसर्‍या मजल्यावरील साविया मिरांडा हिचा भर दिवसा फ्लॅट फोडून १.५० लाख रुपयांचा ऐवज चोरट्यांनी पळविला. साविया मिरांडा कामानिमित्त सकाळी १० वाजता बाजारात गेल्या होत्या व ११.४५ वाजता परतल्या तेव्हा खिडकी व दरवाजाचे गज तोडून चोरी केल्याचे दिसून आले.

- दिलीप बोरकर

गोवा राज्यातील चाळीस विधानसभा मतदार संघांसाठीच्या निवडणुकांचे सर्व सोपस्कार पूर्ण झालेले आहेत. राष्ट्रीय आणि स्थानिक राजकीय पक्षांनी आपआपल्या कुवतीनुसार ‘जिंकणार्‍या’ उमेदवारांची निवड करून अथवा ‘सौदेबाजी’ करून संबंधित मतदारसंघात त्यांची पाठवणी केली आहे. आता पक्षांची लाज राखण्यासाठी म्हणा किंवा भविष्यातील ‘कमाई’कडे नजर लावून म्हणा, उमेदवार साम, दाम, दंड, भेद यांचा वापर करून आपल्या बाजूने मते खेचण्यासाठी धडपडणार आहेत. येनकेन प्रकारेण निवडून येणे हेच एकमेव ध्येय त्यांच्या दृष्टीपंथात असल्याने त्यांच्या ‘मर्कटलीलां’कडे लक्ष देण्यात अर्थ नाही. त्यांना उमेदवारी बहाल केलेल्या पक्षांकडे त्यासाठी वक्रदृष्टीने पाहण्याचेही कारण नाही, कारण हे पक्ष नव्हेत तर, राजकारणाचा धंदा करण्यासाठी एकत्र आलेल्यांच्या टोळ्या आहेत, असे या अगोदर याच सदरात म्हटलेले होते. आता तर या सर्वच्या सर्व पक्षांचा कारभार पाहता, हे पक्ष नसून ‘पक्ष्यांची घरटी’ आहेत असे म्हटले तर ते चुकीचे ठरणार नाही.

विधानसभा निवडणुकीच्या तोंडावर भाजप आणि कॉंग्रेसने आपापले जाहीरनामे घोषित केले आहेत. या दोन्ही प्रमुख राजकीय पक्षांचे जाहीरनामे हे सर्वसामान्य नागरिकांच्या मनाला साद घालणारे आणि गृहिणींपासून ज्येष्ठ नागरिकांपर्यंत सर्व समाजघटकांना काही ना काही देण्याची ग्वाही देणारे आहेत यात शंका नाही. अर्थात, कागदावरील आश्वासने प्रत्यक्षात उतरवण्याची धमक सगळ्यांत असतेच असे नाही हे मतदारांना अनुभवाने पुरते ठाऊक झालेले आहेच. सरकार कोणाचे येणार व त्यात पुन्हा केवळ द्विपक्षीय युतीचे सरकार येणार की त्रिशंकू स्थितीत अपक्ष व इतर पक्षांच्या सदस्यांचा टेकू घेऊन नवे सरकार बनणार हाही प्रश्नच आहे. त्यामुळे या पक्षांच्या जाहीरनाम्याच्या अंमलबजावणीत ‘किमान समान कार्यक्रमा’चा अडसर तर येणार नाही ना ही शंकाही मतदारांच्या मनात आहेच. पुढे काय होईल ते होईल, परंतु दोही जाहीरनाम्यांतील आश्वासने कागदावर तरी आकर्षक नक्कीच आहेत.

- डॉ. सीताकांत घाणेकर

लहानणापासून संस्कार वर्गात शिकवले जाते- ‘सत्य बोला, खोटे बोलू नका’- कारण सत्य बोलणे हे पुण्यकर्म व खोटे बोलणे म्हणजे पापकर्म. त्याप्रमाणे अनेक सत्यवादी व्यक्ती वागतात देखील. पण जगात नजर फिरवली तर अनेक वेळा, अनेक व्यक्ती खोटे बोलताना दृष्टिक्षेपात येतात. ह्या घटना विविध क्षेत्रात घडतात. काही उदाहरणे म्हणजे- राजकारण, कोर्ट, आयकर भरणे वगैरे.

- प्रा. रमेश सप्रे

तसा तो आमच्या शाळेत उशीराच आला. म्हणजे नववीत. पण त्यापूर्वी त्याला घेऊन त्याचे आईवडील समुपदेशनासाठी आले होते. खोलीत प्रवेश करतानाच त्याची आई गरजली, ‘हा सारखी पुस्तकं वाचत असतो. याला जरा अभ्यास करायला सांगा.’ त्यावेळीच एकूण प्रकार लक्षात आला की समस्या तो विद्यार्थी नसून मातोश्री होत्या. कारण सोबत आलेले पिताश्री थंड, शांत, खोल, गंभीर - एखाद्या डोहासारखे. तोंडातून शब्द सोडाच पण त्यांच्या चेहर्‍याची रेषाही हल्ली नाही. कोणतीही प्रतिक्रिया नसणं हे खरंच खूप अवघड असतं. पण या महाशयांना ते छान जमलं होतं. आईची मात्र अखंड तक्रारीच्या सुरात बडबड. मुलगा काहीसा त्रासलेला, वैतागलेला. आई जरा शांत झाल्यावर म्हटलं, ‘तुम्ही दोघं जरा बाहेर थांबलात तर मला मुलाशी बोलता येईल.’ ते गेले बाहेर अन्...

हरमल-खालचावाडा येथील अलिशा रेस्टॉरंटच्या मालकीच्या दोन झोपड्या सोमवार दि. २० रोजी सकाळी १०च्या दरम्यान गॅस सिलिंडरच्या गळतीमुळे आगीच्या भक्ष्यस्थानी पडून अंदाजे ७ लाख ५० हजारांचे नुकसान झाले. पेडणे अग्निशामक दल तात्काळ घटनास्थळी पोचल्याने मोठी दुर्घटना टळली.

डिचोली मतदारसंघाचे कॉंग्रेसचे उमेदवार राजेश पाटणेकर यांच्या प्रचारार्थ महाराष्ट्राचे माजी मुख्यमंत्री तथा केंद्रीय मंत्री विलासराव देशमुख यांची आज मंगळवारी सायंकाळी ५.३० वा. येथील शिरोडकर सभागृहात जाहीर सभा होणार आहे.

सभापती प्रतापसिंह राणे व शिक्षणमंत्री बाबूश मोन्सेर्रात प्रचारासाठी खाकी गणवेषातील बंदुकधारी पोलिसांना सोबत घेऊन फिरत असल्याने मतदारांवर परिणाम होत असल्याची तक्रार प्रदेश भाजपने मुख्य निवडणूक अधिकार्‍यांकडे केली आहे.

किंगफिशर एअरलाईन्सला काल सलग तिसर्‍या दिवशी आपली ३५ विमाने रद्द करणे भाग पडले. सरकारनेही कंपनीला आर्थिक मदतीची हमी देण्यास नकार दिला असून वरून विमाने रद्द का केली याचे स्पष्टीकरण देण्यास फर्मावले आहे.

होऊ घातलेल्या गोवा विधानसभा निवडणुकीच्या वेळी कायदा व सुव्यवस्थेच्या प्रश्‍न निर्माण होऊ नये यासाठी मतदानाच्या दिवशी अभूतपूर्व अशी सुरक्षा व्यवस्था करण्याचा निर्णय घेण्यात आला आहे, अशी माहिती वरिष्ठ पोलिस अधिकार्‍यांनी दिली.

- डॉ. वासुदेव राजेंद्र देशप्रभू, पेडणे.

सध्या सार्वजनिक लेखा समितीच्या विरोधी पक्ष नेत्यांनी तयार केलेल्या अहवालाबद्दल, तसेच न्या. शहा आयोगाच्या अहवालाबद्दल अंदाज बांधले जात आहेत. आम आदमीने परिस्थितीचे गांभीर्य लक्षात घेण्याची वेळ आली आहे हे निश्‍चित.

जगभरामध्ये आज जागतिक मातृभाषा दिन साजरा होत आहे. एकीकडे नवनव्या तंत्रज्ञानाच्या लाटेवर स्वार होऊन इंग्रजी भाषा जगातील सर्व भाषांवर कमी अधिक प्रमाणात हल्ला चढवीत सुसाट निघाली असताना आपापल्या मातृभाषांचे संरक्षण आणि संवर्धन करण्याचा संदेश देण्यासाठी हा दिवस युनेस्कोच्या प्रेरणेने गेले एक तप साजरा केला जातो आहे. मातृभाषांपुढील आव्हाने अनेकपदरी आहेत. अगदी शिक्षणापासून प्रशासनापर्यंत आणि न्यायपालिकेपासून नव्या तंत्रज्ञानांपर्यंत सर्वत्र देशी भाषांना जेवढे महत्त्व दिले गेले पाहिजे तेवढे दिले जात नाही आणि भारतासारख्या वसाहतवादी परंपरा अजूनही मिरवण्यात धन्यता मानणार्‍या देशामध्ये तर परिस्थिती अधिक वाईट आहे. स्वभाषाभिमानाच्या पोकळ गर्जना आणि भाषा संवर्धनाच्या पोकळ वल्गना करणे वेगळे आणि प्रत्यक्ष जीवनव्यवहारामध्ये या भाषांना सन्मानाचे स्थान मिळवून देण्यासाठी प्रत्यक्ष समरांगणावर लढणे वेगळे. दुर्दैवाने आपल्याकडील नेतेबाजीच्या परंपरेने यातील पहिल्या गोष्टीतच आपला वेळ खर्ची घातला आहे. देशी भाषांना जीवनव्यवहारामध्ये महत्त्वाचे स्थान देण्याची मोहीम ज्या नेटाने आणि ताकदीने उभारली गेली पाहिजे होती, ते कधी घडलेच नाही. हिंदी भाषा सप्ताह साजरे करण्यापुरते आपले राष्ट्रभाषाप्रेम सीमित असते आणि मातृभाषेचे म्हणाल तर त्यांच्याकडे लक्ष द्यायलाही कोणाला वेळ नाही.

सध्याची राजकीय परिस्थिती लक्षात घेऊन कॉंग्रेसने सासष्टीवरच अधिक भर देण्याचे ठरविले असून कॉंग्रेस अध्यक्ष सोनिया गांधी यांची रविवार दि. २६ रोजी मडगांव येथे जाहीर सभा आयोजित केली आहे.

केरळच्या मच्छीमारांवर गोळीबार प्रकरण

केरळ येथील समुद्रात भारतीय मच्छीमारांवर गोळीबार करून दोघांना ठार केल्याप्रकरणी इटलीच्या जहाजावरील त्या देशाच्या दोन नौदल रक्षकांना किनार्‍यावर आणून अटक करण्यात आली. नंतर त्यांना सीआयएसएफच्या गेस्ट हाऊसवर जबानीसाठी नेण्यात आले. जहाजाच्या सुरक्षेची जबाबदारी असणार्‍या सहा जणांच्या पथकापैकी हे दोघे आहेत. या दोघांना काल सकाळी ८ वा.पर्यंत शरण येण्यास सांगितले होते. मात्र त्यांनी टाळाटाळ केल्यानंतर त्यांना भारतीय अधिकार्‍यांकडून ताब्यात घेण्यात आले व नंतर केरळ पोलिसांनी त्यांना अटक केली.

- रमेश सावईकर

गोवा राज्य विधानसभेची निवडणूक अवघ्या दहा दिवसांवर येऊन ठेपली आहे. निवडणूक प्रचाराची रणधुमाळी चालू आहे. ४० मतदारसंघातून २१५ उमेदवार निवडणूक रिंगणात उतरलेले असून आपले राजकीय नशिब ते अजमावित आहेत. ३ मार्च रोजी होणारी ही निवडणूक लोकशाहीचा विचार करता, ऐतिहासिक ठरायला हवी. तथापि, ती तशी ठरेल असे कोणी छातीठोकपणे सांगू शकणार नाही. गोव्यात ‘राजकीय परिवर्तन’ झाल्याशिवाय लोकशाही राज्य खर्‍या अर्थाने येण्याची शक्यता नाही. हे परिवर्तन कोण घडवणार? मतदारराजा की त्याच्या सहाय्याला आणखी कोण आहे? असा यक्षप्रश्‍न उभा राहतो.

दहशतवादाचा सामना करण्यासाठी राष्ट्रीय दहशतवादविरोधी केंद्र स्थापन करण्याच्या केंद्र सरकारच्या प्रयत्नांना सात राज्यांच्या मुख्यमंत्र्यांनी तीव्र विरोध दर्शवून खीळ घातली आहे. केंद्र सरकारने या यंत्रणेची उभारणी करण्याचा घाट घालताना राज्य सरकारांना विश्वासात घेतलेले नाही आणि या प्रस्तावित केंद्राला दिलेले दिलेले थेट छापा टाकण्यापासून अटक करण्यापर्यंतचे अधिकार हा राज्यांच्या अधिकारांवरील घाला आहे असे दोन प्रमुख आक्षेप या मुख्यमंत्र्यांनी घेतले आहेत. विरोध करणारे मुख्यमंत्री केवळ विरोधी पक्षांचेच नाहीत, तर संयुक्त पुरोगामी आघाडीचा घटक पक्ष असलेल्या तृणमूल कॉंग्रेसनेही विरोधकांच्या सुरांत सूर मिळवलेला आहे, किंबहुना विरोध करण्यात ममता बॅनर्जीच सर्वांत आघाडीवर आहेत. पश्‍चिम बंगालमधील केंद्राच्या उद्घाटनालाही त्या काल अनुपस्थित राहिल्या. या सार्‍या विवादाचे मूळ केंद्र सरकार दाखवीत असलेल्या हुकूमशाही वृत्तीत आहे.

- प्रमोद आचार्य

काही दिवसांपूर्वी एका वरिष्ठ कॉंग्रेस पुढार्‍याला भेटलो. कॉंग्रेसने तिकिटे जाहीर केल्यावर सगळीकडे घराणेशाहीच्या नावाने आरडाओरड चालू होती. पक्ष प्रत्येक दबावाला आणि प्रत्येक घराण्यापुढे वाकला अशी कडवी टीका होत होती. अशावेळी कॉंग्रेसचे हे केंद्रीय नेते मला भेटले.

कालवी - हळदोणे येथे काल घडलेली बस दुर्घटना ही निव्वळ दुर्घटना नाही, तर ती मानवी निष्काळजीपणाची, बेफिकिरीची आणि गोव्यातील अत्यंत भ्रष्ट वाहतूक व्यवस्थेची परिणती आहे. प्रवाशांनी भरलेली एखादी बस सरळ फेरीधक्क्यावरून नदीत जाऊन कोसळते यामध्ये जशी चालकाची हलगर्जी दिसते, तसेच बसच्या सुस्थितीबाबतही प्रश्नचिन्ह उभे राहते. बसचे ब्रेक लागले नाहीत हे कारण पुढे करून या दुर्घटनेवर आता पडदा टाकण्याचा प्रयत्न होईल. दुर्घटनेस जबाबदार असलेला चालक न्यायालयात पुराव्यांअभावी सुटेल, मालक भरपाईपासूनही स्वतःची सुटका करून घेईल, पण बळी गेलेली कोवळी मुले काही परत येणार नाहीत. कित्येक कुटुंबांचा आशेचा दिवा कायमचा विझून गेला आहे. त्या मुलांचे पालक या जिवघेण्या दुःखातून कधीही सावरणे शक्य नाही. बुडालेल्या मुलांची शोधाशोध करताना सापडलेल्या त्यांच्या भिजल्या वह्या पाहून अवघ्या गोव्याचे डोळे काल पाणावले असतील. कोणताही दोष नसताना निष्पाप कोवळ्या शाळकरी मुलांना जिवंत जलसमाधी मिळाली, पुरेशा साधनसामुग्रीविना कोणीही त्यांना वाचवू शकले नाही, हे वास्तव ह्रदय पिळवटून टाकणारे आहे. भ्रष्ट वाहतूक अधिकार्‍यांच्या कृपेने मोडकळीस आलेल्या बसगाड्या राजरोस रस्त्यावर चालविल्या जातात, खुलेआम लाच घेऊन चालक - वाहकांना रान मोकळे सोडले जाते, त्याचीच अशा प्रकारच्या दुर्घटना ही परिणती असते.

- गजानन हरिश्‍चंद्र मांद्रेकर

राजा असूनही लोकशाही पद्धतीने राज्यकारभार चालवणारे छत्रपती शिवाजी महाराज आणि लोकशाही पद्धतीने निवडून येऊन राजासारखे वागणारे आजचे राजकारणी यांच्यामधील तुलना करणे हा फार मोठा चिंतनाचा अन् चिंतेचा विषय आहे. शुद्ध, पवित्र हेतूने प्रेरित होऊन केलेले, ईश्‍वरी अधिष्ठान असलेले, धर्माचे अधिष्ठान असलेले कोणतेही कार्य हे चिरंजीवी स्वरूपाचे असते, आणि अशी कार्ये करणारेही चिरंजीवी ठरतात. याचे उत्कृष्ट उदाहरण म्हणजे छत्रपती महाराज होय! अलेक्झांडर, सीझर, नेपोलियन असे अनेक पराक्रमी, शूरवीर जगात होऊन गेले. परंतु, पवित्र तथा शुद्ध हेतूने कार्य करणारा राजा म्हणून संपूर्ण जगाला परिचित आहेत ते फक्त एकटे शिवाजी महाराजच! अलेक्झांडरने आपल्या सोबत्यांना मारले. सीझरने आपल्या बायकोला सोडले, तर नेपोलियनने डफ डांगियांचा वध केल्याचे इतिहास सांगतो. परंतु आप्तेष्टांचा घात शिवाजी महाराजांनी कधीच केला नाही. राज्याची शिस्त म्हणून काही कठोर निर्णय शिवाजी महाराजांनी अवश्य घेतले, परंतु आपल्या स्वार्थासाठी त्यांनी राजेपदाचा उपयोग केल्याचे उदाहरण इतिहासात सापडत नाही. आजच्या राजकारणात सगळं स्वार्थासाठी चालू असल्याचे आपणास ठायी ठायी दृष्टीस पडते.

- लाडोजी परब

कणकेश्‍वर म्हणजे प्रती काशिच! शिवाचे जागृत स्थान असलेल्या कुणकेश्‍वराच्या पायावर अरबी समुद्रही नतमस्तक झाला आहे. महाशिवरात्रीचा येथील उत्सव म्हणजे डोळ्यांचे पारणे फेडणारा! प्रत्येक दिवशी ११० हून अधिक असलेल्या शिवलिंगावर अभिषेक सुरू असतो. भाविकांचा अपार उत्साह आणि श्रद्धेचा हा दिव्य उत्सव कोकणची एक वेगळी ओळख सांगून जातो. कुणकेश्‍वराचे मंदिर हे भव्यता, शिल्पकला यांचा अनोखा संगम आहे. आपल्या देशात शिल्पकला, स्थापत्यशास्त्र व विज्ञान कसे बहराला आले त्याचे साक्ष देणारे हे मंदिर!

नॅशनल काऊंटर टेररिझम सेंटर (एनसीटीसी) स्थापन करण्यासाठी हे दहशतवादविरोधी केंद्र राज्यांच्या अधिकारांवर गदा आणणारे असल्याचे सांगत सात मुख्यमंत्र्यांनी विरोध दर्शविला आहे. यामुळे यूपीए आघाडीसमोर नवीन पेचप्रसंग निर्माण झाला आहे.

पर्वरीच्या विकासासाठी विविध राजकीय पक्ष, संघटना व पंच सदस्यांनी एकत्र येऊन स्थापन केलेल्या ‘युनायटेड पोर्वोरकार’ या संघटनेने दि. ३ मार्च रोजी होणार्‍या विधानसभा निवडणुकीत भाजप उमेदवार गोविंद पर्वतकर यांना पाठिंबा व्यक्त केल्याची माहिती संघटनेचे अध्यक्ष प्रसाद फातर्पेकर यांनी काल पत्रकार परिषदेत दिली.

डायरेक्ट टॅक्स कोड (डीटीसी) संबंधी संसदीय समितीतील काही सदस्यांनी आयकर सुट मर्यादा ५ लाख रु.पर्यंत वाढविण्याची काल मागणी केली.

साखळी मतदारसंघात अपक्ष उमेदवारी अर्ज भरून डॉ. प्रमोद सावंत आणि आमदार प्रताप गावस यांच्यासमोर आव्हान उभे केलेले आमोणे येथील उद्योजक तथा कॉंग्रेस पक्षाचे ज्येष्ठ व क्रियाशील कार्यकर्ते खेमलो सावंत यांनी उमेदवारी अर्ज शेवटच्या क्षणी मागे घेऊन आपला पूर्ण पाठिंबा भाजपचे उमेदवार डॉ. प्रमोद सावंत यांना जाहीर केला आहे.

शणै गोंयबाबनगर, मुंबई (अजित पैंगीणकर)

आमी गोंयकार मुंबई आणि अखिल भारतीय कोकणी परिषदेच्या २८ व्या अधिवेशनाला शानदार सुरुवात झाली. शिवाजी पार्क येथील वीर स्वातंत्र्यवीर सभागृहात भरविण्यात आलेल्या या तीन दिवसांच्या कोकणी साहित्य परिषदेचे उद्घाटन आंतरभारती अनुवाद सुविधा केंद्राचे प्रकाशक आणि अध्यक्ष रामदास भटकळ यांनी केले. निवृत्त आयएएस अधिकारी अरविंद भाटीकर परिषदेचे अध्यक्ष आहेत.

(विशांत वझे)

देशपातळीवर राजकीय व सामाजिक परिस्थिती अतिशय निराशजनक असून एकूणच राजकीय नेत्यांना कोणत्याही प्रकारची संवेदना नाही. संवेदना नसलेले राजकारणी व त्यांच्यात जो एक प्रकारचा निगरगट्टपणा आहे तो खूपच त्रासदायक असून एकूणच संवेदना या राजकीय व्यवस्थेत हरवलेली आहे त्यांचे दुःख होत असल्याची प्रतिक्रिया ख्यातनाम अभिनेते व राष्ट्रीय पातळीवरील सारस्वत बँकेचे ब्रॅन्ड ऍम्बॅसेडर दिलीप प्रभावळकर यांनी डिचोली येथे व्यक्त केली.

- शंभू भाऊ बांदेकर

कृष्णाजी अनंत सभासद यांनी तीनशे वर्षांपूर्वी ‘श्री शिवछत्रपतींचे चरित्र’ हे शिवाजी महाराजांवर लिहिलेले पहिले चरित्रात्मक पुस्तक होय. या पुस्तकातील परिशिष्ट -२ मध्ये म्हटले आहे की, परवापरवापर्यंत ६ एप्रिल १६२७ हीच शिवाजी महाराजांची जन्मतारीख प्रमाण मानली जात होती. पण सर्व नव्या पुराव्यांच्या आधारे आता शिवाजी महाराजांची जन्मतिथी फाल्गून वद्य ३ शके १५५१ हीच निश्‍चित करण्यात आली असून दिनांकाप्रमाणे ही १९ फेब्रुवारी १६३० ही ठरते. शिवाजी महाराजांची जयंती साजरी करताना अजूनही तारखेबाबत घोळ निर्माण केला जातो, म्हणून हा खुलासा. ज्या महाराष्ट्र राज्यात शिवाजी महाराजांचा जन्म झाला, त्या महाराष्ट्रानेही १९ फेब्रुवारी हीच जन्मतारीख पूर्ण अभ्यासाअंती निश्‍चित केल्यामुळे निदान यापुढे तरी हा घोळ होऊ नये हीच अपेक्षा.

महाराष्ट्रातील महापालिका निवडणूक निकालांमध्ये काल शिवसेना - भाजप - रिपाई महायुतीने मुंबई, ठाणे, नागपूरसारख्या प्रमुख महानगरपालिकांमध्ये आपली ताकद अधोरेखित केली. मुंबईमध्ये काय होणार, राज ठाकरे यांच्या मनसेचा वारू महायुतीमध्ये किती खिंडार पाडणार आणि त्याच्या आधारे कॉंग्रेस - राष्ट्रवादी युती सत्तेचा गड सर करणार का, असा जो प्रश्न विचारला जात होता, त्याचे उत्तर नकारार्थी देत शिवसेनेने आपल्या मुंबईवर पुन्हा भगवा फडकवण्याच्या दिशेने वाटचाल सुरू केली आहे. ‘अँटी इन्कम्बन्सी’ ची लाट येईल आणि त्यात शिवसेना वाहून जाईल अशी स्वप्ने पाहणार्‍यांची निवडणूक निकालाने बोलती बंद केली आहे. ठाण्यात खासदार आनंद परांजपे यांची निवडणुकीच्या तोंडावरची बंडखोरी सोसूनही शिवसेनेने तेथील महापलिका काबीज केली. बाळासाहेबांच्या ठाणेकरांप्रतीच्या विश्वासाला मतदारांनी सार्थ ठरवले. भाजपाचे राष्ट्रीय अध्यक्ष नितीन गडकरी यांची लाज नागपूरने राखली आहे. पुण्यात परिस्थिती वेगळी असली तरी इतरत्र मिळालेले यश सेना - भाजप - रिपाई महायुतीचा आत्मविश्वास वाढवणारे ठरेल यात शंका नाही.

मिकी पाशेको यांच्या गोवा विकास पार्टीबरोबर आपण निवडणूकपूर्व युती केली असल्याची माहिती काल ऑल इंडिया मायनॉरिटी फ्रंटचे राष्ट्रीय अध्यक्ष एस. एम. असिफ यांनी पत्रकार परिषदेत दिली.

- दीपक विष्णू फडके, आंबेगाळ, पाळी

स्वातंत्र्यपूर्व काळात व स्वातंत्र्यानंतर भारताच्या जडणघडणीत अगणित संख्येने महाराष्ट्रातील नेत्यांचे योगदान राहिले आहे. टिळक, गोखले, फडके, सावरकर यांच्या युगाने भारतात स्वातंत्र्याची ज्योत पेटविली. त्या युगाचे साक्षीदार व त्यानंतरच्या स्वातंत्र्य भारताच्या मंत्रिमंडळातील हर टप्प्यावरील सहकारी म्हणजे देशाचे पहिले वीजमंत्री काकासाहेब गाडगीळ, पहिले सभापती कै. गणेश वासुदेव तथा दादासाहेब मावळंगकर, देशाच्या नियोजन आयोगाचे मार्गदर्शक डॉ. धनंजयराव गाडगीळ, राजकीय निपुण स. का. पाटील...! अशा या अस्सल मराठी फौजेत कै. नरहर विष्णु गाडगीळ ऊर्फ काकासाहेब गाडगीळ यांचे स्थान काही वेगळेच होते.

गोवा विधानसभेच्या चाळीस जागांवर नजर ठेवून रणमैदानात उतरलेल्यांपैकी कितीजण प्रत्यक्ष निवडणूक रिंगणात राहिले आहेत हे काल स्पष्ट झाले. जर - तर ची भाषा संपून आता प्रत्यक्ष कोण कोणाचा सामना करणार आहे ते सुस्पष्ट झाले आहे. त्यामुळे मतदारांना आपापल्या मतदारसंघातील उमेदवारांच्या भल्या - बुर्‍या बाजू चाचपण्यासाठी पुरेसा अवधी मिळायला हरकत नसावी. गोव्याचे राजकारण नैतिकता आणि प्रामाणिकपणा या बाबतीत किती ढासळत चालले आहे हे प्रत्येक मतदाराला पुरते ठाऊक आहे आणि तरीही दरवेळी निवडणूक आली की जाती-पातीच्या निकषांवर, आमिषा - प्रलोभनांना भुलून मतदार मतदान करीत असतात आणि मग मात्र अमूक भ्रष्टाचारी आहे, तमूक अकार्यक्षम आहे म्हणून खडे फोडत बसण्यावाचून त्यांच्या हाती काही राहात नाही. गोव्याची गेल्या काही वर्षांमध्ये कशी दुर्गती चालली आहे याचे प्रत्यक्ष साक्षीदार असूनही मतदार आपला मताधिकार बजावताना प्रत्यक्ष मतदानावेळी सारे काही विसरून क्षुल्लक वैयक्तिक लाभापोटी मतदान करू लागले तर ज्यांची पात्रता नाही अशी माणसे सत्तेच्या शिड्या चढत जाणारच. कोणी आपल्याला वापरून घेते आहे का, आपल्याला प्रलोभने दाखवीत स्वतःचा स्वार्थ साधते आहे का, याचा थोडा अंतर्मुख होऊन विचार मतदार करू लागला, तरच नंतर जो काही तमाशा घडतो तो टळू शकेल.

दिल्लीत इस्रायली दूतावासाच्या वाहनात घडवून आणल्या गेलेल्या बॉम्बस्फोटप्रकरणी दिल्लीतील लाडोसराय भागातून एक लाल रंगाची दुचाकी जप्त करण्यात आली. ही दुचाकी तेथे टाकून दिलेल्या स्थितीत आढळून आली. याच दुचाकीवरून आलेल्या हल्लेखोरांनी दूतावासाच्या वाहनावर लोहचुंबकयुक्त बॉम्ब लावला असा कयास आहे. या मोटारसायकलच्या मालकाचा शोध घेण्यात येत आहे.

पणजी, साळगांव, सांताक्रुझ व सावर्डे चार मतदारसंघातून निवडणूक लढवणार्‍या भारतीय कम्युनिस्ट पक्ष व मार्क्सवादी कम्युनिस्ट पक्ष यांच्या आघाडीने काल आपला जाहीरनामा जाहीर करतानाच प्रियोळ मतदारसंघातील अपक्ष उमेदवार गोविंद गावडे यांना आपला पाठिंबा व्यक्त केला.

राज्यातील महत्त्वाच्या कार्निव्हल उत्सवास निवडणूक आयोगाने अखेर परवानगी दिली. मात्र केवळ शासकीय पातळीवरील कार्निव्हलला परवानगी देण्यात आली असून खासगी कार्निव्हलचे आयोजन होऊ नये तसेच एखाद्या उमेदवाराने कार्निव्हल आयोजित केल्यास त्याचा उमेदवाराच्या निवडणूक खर्चात समावेश केला जाईल असे स्पष्ट केले आहे.

सांताक्रुझमधून अपक्ष उमेदवारी

कित्येक गुन्हेगारी प्रकरणांत अटक करण्यात आलेला व गृहमंत्री रवी नाईक यांचे पुत्र रॉय नाईक व रितेश नाईक यांची हत्या करण्यासाठी सुपारी घेतल्याचा आरोप असलेला जुझे लोपीस उर्फ ‘ज्यो बॉय’ हा सांताक्रुझ मतदारसंघातून अपक्ष उमेदवार म्हणून निवडणूक लढवत असून या पार्श्‍वभूमीवर काल पत्रकारांशी बोलताना आपण आतापर्यंत कोणतेही गुन्हेगारी कृत्य केलेले नसून केवळ प्रसार माध्यमांनी आपणाला बदनाम केल्याचा आरोप त्याने केला.

सहा युरोपीय राष्ट्रांना तेल निर्यात बंद करण्याचा निर्णय काल इराणने जाहीर केला. युरोपीयन युनियनच्या इराणवरील निर्बंधांच्या पार्श्वभूमीवर हा निर्णय घेण्यात आला आहे.

चलनफुगवट्याने दर गेल्या दोन वर्षांतला निचांक गाठत ६.५५ टक्क्यांवर पोहचला आहे. घाऊक किंमत निर्देशांकावरून मोजला जाणारा चलनफुगवट्याचा दर डिसेंबर २०११मध्ये ७.४७ टक्के इतका होता तर जानेवारी २०११मध्ये हा दर ९.४७ टक्के इतका होता.

मालदीवमध्ये राष्ट्राध्यक्ष मोहम्मद नाशीद यांच्या राजीनाम्याची मागणी करत गेल्या आठवड्यात झालेल्या हिंसक आंदोलनादरम्यान, मालदीवच्या राष्ट्रीय संग्रहालयात प्रवेश करुन अनेक हिंदू आणि बौध्द मूर्ती फोडल्यात आल्याचे कळते. यातील अनेक मूर्ती हिंदू देवी-देवता आणि गौतम बुद्ध यांच्या होत्या.

नानी पालखीवाला मेमोरियल ट्रस्ट, मुंबई व वसंतराव धेंपो एड्यूकेशन अँड रिसर्च फाऊंडेशन, पणजी यांच्या संयुक्त विद्यमाने स्व. नानी पालखीवाला स्मृती व्याख्यानाचे आयोजन करण्यात आले आहे. यात टाटा उद्योग समूहाचे व्यवस्थापकीय संचालक किशोर चौकर हे ‘टिकावू उद्योगांची उभारणी’ या विषयावर बोलतील.

चिखली उतरणीवर काल दुपारी बोलेरो जीपच्याखाली आल्याने दुचाकी स्वार अजय चनमल (३३, रा. पणजी) हा जागीच ठार झाला. वास्को पोलिसांनी दिलेल्या माहितीनुसार केरी सत्तरी येथील विनोद माजिक हा जीए ०४ टी ३२९० क्रमांकाच्या बोलेरो जीपमधून भाडे घेऊन वास्कोहून पणजीच्या दिशेने निघाला होता. तर मूळ सोलापूर येथील मयत अजय चनमल हा बजाज डिस्कव्हर क्र. जीए ०६ एच ८७४८ ने वास्कोच्या दिशेने येत होता.

नानोडा येथील सातेरी पुरमार देवस्थानचा दरवाजा तोडून अज्ञात चोरट्यानी तीन मुखवटे, प्रभावळ व रोख दहा हजार मिळून सुमारे लाखभर रुपयांचा ऐवज लंपास केल्याची माहिती डिचोली पोलीसांनी दिली.

इस्त्रायली दूताच्या कारमध्ये झालेला स्फोट हा सुनियोजित दहशतवादी हल्ला होता, असे केंद्रीय गृहमंंत्री पी. चिदंबरम यांनी सांगितले. परवा दुपारी झालेल्या या हल्ल्यात दूताच्या पत्नी व ड्रायव्हर गंभीर जखमी झाले होते.

गोव्यातील पोर्तुगीज राजवटीचे समर्थन करणारे दक्षिण गोव्याचे खासदार फ्रान्सिस सार्दिन यांच्यावर देशद्रोहाचा आरोप ठेवावा व पुढील सहा वर्षे त्यांच्यावर निवडणूक लढवण्यास बंदी घालावी अशी मागणी दत्ता नाईक यानी संसद सदस्यांना पाठवलेल्या एका निवेदनातून केली आहे.

२६/११च्या मुंबई दहशतवादी हल्ल्यातील एकमेव जीवंत आरोपी अजमल अमीर कसाब याने काल सुप्रीम कोर्टाकडे वकीलामार्फत प्राणांची याचना करीत फाशीची शिक्षा जन्मठेपेवर आणण्याची मागणी केली.

विविध मतदारसंघांत कॉंग्रेस उमेदवारांविरुद्ध उभे ठाकलेल्या कॉंग्रेस बंडखोरांचे मन वळविण्यासाठी अ.भा. कॉंग्रेसचे सरचिटणीस तथा छाननी समितीचे अध्यक्ष ऑस्कर फर्नांडिस यांचे काल गोव्यात आगमन झाले. दि. १६पर्यंत त्यांचे गोव्यात वास्तव्य असेल.

उमेदवारी देण्यासाठी निवडून येण्याची क्षमता हा महत्त्वाचा निकष आहे. त्यामुळेच कुटुंबातील सदस्यांना उमेदवारी दिली आहे. त्यांचे भवितव्य मतदारच ठरवतील असे सांगून राज्यसभेचे खासदार शांताराम नाईक यांनी कुटुंबातील सदस्यांवर उमेदवारी देण्याच्या पक्षाच्या निर्णयाचे समर्थन केले.

केपे मतदारसंघातून अपक्ष उमेदवारी दाखल केलेले फिलीओ पेरैरा यांनी फोनवरून अज्ञात इसमानी शिवीगाळ केली व जीवे मारण्याची धमकी दिल्याची तक्रार नोंदविली आहे.

अबकारी खात्याने सोमवार दि. १३ रोजी छापे मारून डिचोली येथे ११२० रु., बार्देशमध्ये मारलेल्या छाप्यात ११५९०० रु. तर काणकोण येथे मारलेल्या छाप्यात २५०० रु. एवढ्या किमतीची दारू जप्त केली.

कर्नाटक विधानसभेत तीन भाजप मंत्री मोबाईलवर ब्लू फिल्म पाहताना आढळल्याच्या प्रकरणानंतर भाजपने आपल्या आमदारांसाठी नैतिकता व शिस्त शिकविण्यासाठी प्रशिक्षण सत्र घेण्याचे ठरविले आहे.

गोवा मुस्लीम फोरम

कॉंग्रेस पक्षाने मुसलमान बांधवांचा विश्वासघात केलेला असून त्याचा बदला म्हणून होऊ घातलेल्या विधानसभा निवडणुकीत राज्यातील दीड लाख मुसलमान बांधव कॉंग्रेसच्या विरोधात मतदान करणार असल्याचे गोवा मुस्लिम फोरमचे मुख्य समन्वयक शेख इफ्तिकार यांनी काल येथे घेतलेल्या पत्रकार परिषदेत सांगितले.

थिवी, म्हापसा व शिवोली या मतदारसंघांसाठी भारतीय निवडणूक आयोगाने नियुक्त केलेले निरीक्षक वंदना केणी या १५ फेब्रुवारीपासून दुपारी ३ ते संध्याकाळी ५ वाजेपर्यंत लोकांची गार्‍हाणी ऐकून घेण्यासाठी निरीक्षक चेंबर, पहिला मजला, सरकारी कार्यालय संकुल मरड म्हापसा येथे उपलब्ध असतील.

- प्रा. विनय ल. बापट, ताळगाव.

सध्या गोव्यासह उत्तर प्रदेशमध्ये निवडणुकांची रणधुमाळी चालू आहे, तर मणिपूर, उत्तराखंड, पंजाबमधील निवडणूक धुरळा अजूनही खाली बसलेला नाही. या राजकीय धामधुमीत राजकारणाची हिडीस, ओंगळवाणी, किळस आणणारी अशी अनेक रूपे आपल्यासमोर येत आहेत. कालपर्यंत एका पक्षात असलेला आज दुसर्‍या पक्षाचा अधिकृत उमेदवार म्हणून घोषित होत आहे. धनशक्ती आणि गुंडशक्ती असणे ही उमेदवारी मिळविण्याची आज प्राथमिक पात्रता असल्याचे दिसत आहे. गुन्हेगारी प्रवृत्ती ही आजच्या राजकारणात भूषणावह गोष्ट ठरत आहे. सर्वच राजकीय पक्ष धनदांडगे, बाहुबली, गुन्हेगार अशा लोकांनाच आपले उमेदवार म्हणून जनतेसमोर आणत आहेत. असे करण्यामागील महत्त्वाचे कारण म्हणजे, सर्वच राजकीय पक्ष ‘निवडून येणे’ हा उमेदवारी देण्याचा एकमेव निकष वापरीत आहेत. अशा लोकांची संख्याही प्रत्येक पक्षात वाढत असल्यामुळे व सर्वांनाच ‘निवडून येण्याची खात्री’ वाटत असल्यामुळे एकाला तिकीट दिल्यास बाकीचे बंडखोरी करताना दिसतात, किंवा उपर्‍यांना तिकिटे मिळत असल्यामुळे त्या - त्या मतदारसंघातील काही निष्ठावान कार्यकर्तेही बंड करताना दिसतात. पण या सर्व किळसवाण्या प्रकारांमुळे आपल्या लोकशाहीचे मात्र दुर्दैवाने चांगलेच ‘वस्त्रहरण’ होत आहे.

महाराष्ट्रातील मुंबई महानगरपालिकेसह १० महापालिकांची निवडणूक आज होत आहे. गेले काही महिने पंचायत समित्या व नगर परिषदा आणि जिल्हा परिषदेच्या निवडणुकांमुळे जी रणधुमाळी उसळली आहे ती पाहाता या निवडणुकीसाठीही विलक्षण रस्सीखेच चालली आहे हे स्पष्टपणे दिसून येते. राजकीय पक्षांमध्ये तर राज्यातील विविध महापालिका आपल्या ताब्यात मिळवण्यासाठी चढाओढ आहेच, परंतु काही नेत्यांच्या राजकीय भवितव्याचा फैसलाही या निवडणुका करणार असल्यामुळे विलक्षण चुरशीने आणि चढाओढीने जो तो रिंगणात उतरलेला आहे. सर्वांची नजर अर्थातच आहे ती मुंबईवर. शिवसेनेने आपला हा गड १९९४ सालापासून आजवर अभेद्य ठेवला असला तरी यावेळी त्या पक्षाची प्रतिष्ठा पणाला लागलेली आहे. त्यात यावेळी उद्धव यांनी १३५ पैकी ९६ नव्या चेहर्‍यांना या निवडणुकीत उतरवलेले आहे. ‘अँटी इन्कम्बन्सी’ घटकाचा फटका बसू नये यासाठी ही खेळी असली तरीही त्याचा विपरीत परिणामही होऊ शकतो. ही निवडणूक सेेनेचे कार्याध्यक्ष उद्धव ठाकरे यांच्या राजकीय नेतृत्वाची कसोटी ठरणार आहे.

- दिलीप बोरकर

अखिल भारतीय कोंकणी परिषदेचे २८ वे अधिवेशन याच महिन्याच्या १७ तारखेला म्हणजे परवापासून मुंबईत भरत आहे. देशभर विखुरलेल्या कोंकणी भाषकांची ही परिषद असून त्या निमित्ताने गोवा, कर्नाटक, केरळ आणि महाराष्ट्र राज्यातील कोंकणी लोक एकत्र येणार आहेत. १७ ते १९ फेब्रुवारीपर्यंत निरनिराळ्या विषयांवर चर्चा करणार आहेत. त्या चर्चेची कल्पना आमंत्रण पत्रिकेवरील वेगवेगळ्या विषयांवरून येते. परिसंवादातील या विषयांकडे पाहता, मागच्या परिषदेप्रमाणेच चर्वण होऊन तीन दिवसांच्या या वार्षिक सोपस्काराचे सूप वाजेल यात शंका नाही. १९४२ साली याच मुंबईत परिषदेचे तिसरे अधिवेशन झाले होते. त्या परिषदेचे स्वागताध्यक्ष होते, वामन रघुनाथ वर्दे वालावलीकर म्हणजेच शणैं गोंयबाब! शणैं गोंयबाबनी कोंकणी माणसाला स्वाभिमान शिकवला. कोंकणी माणूस म्हणजे ‘बाबत कुळं’ नव्हेत असे सांगून शणैं गोंयबाबनी कोंकणी माणसाचा आत्मा जागवला आणि त्याचीच परिणती म्हणून आज गोव्याला कोंकणी राज्याचा दर्जा मिळाला, हे सत्य कोणी नाकारू शकणार नाही. तरीसुद्धा आज त्याच गोव्यात कोंकणी भाषेची जी काय अवस्था झालेली आहे, ती पाहिल्यास २०१२ मधील २८ वी परिषद आणि १९४२ साली झालेली ३ री परिषद यात कुठल्याच प्रकारचा फरक असेल असे वाटत नाही. फरक असलाच तर, ७० वर्षांअगोदरच्या परिषदेच्या स्वागताध्यक्षांच्या दृष्टीसमोर एक निश्‍चित ध्येय होते, मात्र आज आयोजकच गोंधळलेल्या अवस्थेत चाचपडत आहेत.

दहशतवादाच्या काळ्या सावळ्या पुन्हा एकवार जगावर घोटाळू लागल्या आहेत. दिल्लीमध्ये परवा इस्रायलच्या दूतावासाच्या वाहनामध्ये घडवला गेलेला स्फोट, जॉर्जियामध्ये आढळून आलेली स्फोटके आणि काल बँकॉकमध्ये झालेली स्फोटमालिका या सार्‍या घटना पाहिल्या, तर हिज्बुल्लासारखी दहशतवादी संघटना पुन्हा सक्रिय झाल्याचे दिसते. दहशतवादाविरुद्ध ठामपणे पाय रोवून असलेल्या इस्रायलला यावेळी लक्ष्य केले गेले आहे आणि त्याकामी हिज्बुल्लाला इस्रायलचा हाडवैरी असलेल्या इराणची फूस आहे असा तर्क व्यक्त होतो आहे. खुद्द इस्रायलचे पंतप्रधान बेंजामिन नेतान्याहू यांनी दिल्लीतील हल्ल्यानंतर त्वरित इराणकडे बोटे दाखवली. आजवर जगाला भेडसावणार्‍या दहशतवादी कारवायांचे केंद्र म्हणून पाकिस्तानकडे आणि अफगाणिस्तानचा उल्लेख केला जायचा, परंतु अमेरिकेने त्या दोन्ही देशांमध्ये आपला वावर वाढवल्याने आता इराणमध्ये इस्लामी दहशतवादी शक्ती एकवटू लागलेल्या दिसतात. आधीच आपल्या अण्वस्त्रसज्जतेच्या प्रयत्नांमुळे वादाच्या भोवर्‍यात अडकलेल्या इराणकडून हिज्बुल्लाची पाठराखण चालते हे उघड गुपीत आहे.

- डॉ. सीताकांत घाणेकर

जगात अनेक संस्कृती होऊन गेल्या. त्यातच आपली भारतीय संस्कृती, विविध संस्कृतींमध्ये एक उत्कृष्ट अशी संस्कृती. आपल्या संस्कृतीत महान तत्त्वज्ञान आहे. जे पुष्कळ ग्रंथांमध्ये सामावलेले आहे. वेद, उपनिषदे, मनुस्मृती, योगशास्त्रात... एवढेच नव्हे तर पूर्ण पुरुषोत्तम श्रीकृष्णाच्या मुखारविंदातून अर्जुनाला मार्गदर्शक असे कुरुक्षेत्रावर सांगितलेलं तत्त्वज्ञान म्हणजेच श्रीमद्भगवद्गीता देखील आहे.

- प्रा. रमेश सप्रे

‘ऋतुचक्र’ नावाचं दुर्गा भागवतांचं एक अप्रतिम पुस्तक आहे. वर्षाच्या बाराही महिन्यातील निसर्गाचं पैलूदार वर्णन करताना त्यांनी प्रत्येक महिन्याच्या प्रकरणाला सुंदर समर्पक नाव दिलंय. त्यातलंच एक ‘सोनेरी अश्‍विन’. कल्पना फारच सुरेख आहे. आषाढात पाऊस सुरू झाला की पेरणी होत शेताशेतातून. पिकं वाढू लागतात. गणपतीच्या माटोळीला शेतात उभ्या असलेल्या भाताची कणसं बांधली जातात. नंतर पाऊस ओसरून उन्हं तापायला लागतात. ‘देवाजीने करुणा केली| शेते पिकुनी पिवळी झाली॥ असं म्हणणारे बाकीबाब (कविवर्य बा.भ.बोरकर)एक प्रकारे शेतात उभ्या असलेल्या पिकलेल्या भातांचं म्हणजेच पिवळ्या सोन्याचं श्रीसूक्तच म्हणत असतात. तर आश्‍विन सुरू झाला की दिवसा कापायला आलेली शेतातली लक्ष्मी, रात्री कोजागरीच्या पूर्ण चंद्राच्या दिशेनं सुरू असलेली प्रकाशाची वाटचाल...सारं कसं सोनेरी दिसतं! केवळ रंगरूपानं नाही तर प्रत्यक्ष वैभवसमृद्धीच्या दृष्टीनं सुद्धा.

प्रदेश कॉंग्रेस कार्यकारी अध्यक्ष सार्दिन यांचे सूतोवाच

कॉंग्रेस पक्षाची उमेदवारी न मिळाल्याने नाराज होऊन काहींनी अपक्ष म्हणून अर्ज दाखल केलेले आहेत. त्यांचे मन वळवण्याचे प्रयत्न पक्षातर्फे केले जातील असे संकेत प्रदेश कॉंग्रेसचे कार्यकारी अध्यक्ष फ्रान्सिस सार्दिन यांनी काल पत्रकार परिषदेत दिले.

रुद्रेश चोडणकर व आशिष शिरोडकर यांनी काल राष्ट्रवादी कॉंग्रेस पक्षात रितसर प्रवेश केला व त्यानंतर शिरोडकर यांना म्हापसा मतदारसंघातून तर चोडणकर यांनी मये मतदारसंघातून राष्ट्रवादीचे उमेदवार म्हणून अर्ज सादर केले. पर्वरीतून फेर्मिना खंवटे यांनी उमेदवारी दाखल केली.

माजी मंत्री संजय बांदेकर यांनी १३ रोजी आपल्या कार्यकर्त्यांसहित रितसररित्या भाजपात प्रवेश केला. यावेळी खासदार श्रीपाद नाईक, माजी मंत्री विनय तेंडुलकर, आमदार रमेश तवडकर उपस्थित होते.

निवडणूक प्रचारासाठी उसगाव घुडेमळ येथे आलेले असताना वाळपई मतदारसंघाचे कॉंग्रेस उमेदवार तथा आरोग्य मंत्री विश्‍वजित राणे यांना शिवीगाळ करून जीवे मारण्याची धमकी दिल्याप्रकरणी फोंडा पोलिसांनी पाच जणांना अटक केली. त्यांना न्यायालयात उभे केले असता न्यायाधीशांनी त्यांची जामिनावर सुटका केली.

‘जागृत गोंयकारांचो एकवट’चे ताळगावमधील उमेदवार झेव्हियर आल्मेदा यांनी आपण उमेदवारी अर्ज मागे घेऊन भाजपला आपला पाठिंबा व्यक्त करणार असल्याचे काल सांगितले.

आयरिश यांचे निवडणूक आयोगास साकडे

फातोर्डा येथील जनतेला नोकरी मिळवून देण्यासाठी मंत्र्यांना आपण लाच दिली असल्याचा कॉंग्रेसचे माची सरचिटणीस तथा फातोर्ड्याचे अपक्ष उमेदवार विजय सरदेसाई यांनी केलेल्या आरोपाची सखोल चौकशी करण्याची मागणी निवडणूक आयुक्तांकडे करण्यात आली आहे.

ब्रिटनचे खा. किथ वाझ यांचे प्रतिपादन

ब्रिटनच्या भारताकडून फार अपेक्षा असून रोजगाराच्या संधी निर्माण करण्यासाठी दोन्ही देशांनी हातमिळवणी करण्याची गरज असल्याचे गोमंतकीय वंशाचे ब्रिटनमधील संसद सदस्य क्रिथ वाझ यांनी काल ‘भारत-ब्रिटन उद्योग संधी’ या विषयावर बोलताना सांगितले.

‘कार्निव्हल’वर नजर

निवडणूक आयोगाच्या आचारसंहितेनुसार सरकारी कर्मचारी प्रचारकार्यात भाग घेऊ शकत नाहीत. परंतु पालिका मंडळातील कर्मचारी औद्योगिक आस्थापन कायद्याखाली येत असल्याने त्यांच्यावर कारवाई करण्याच्या बाबतीत निवडणूक अधिकार्‍यांसमोर पेच निर्माण झाला आहे.

म्हापशातील पेद्रु विन्सन वाझ ना’क दारू गोदा’ व कार्यालयाला काल (सो’वारी) पहाटे लागलेल्या आगीत सु’ारे दोन लाख रु.चे नुकसान झाले. आगीत आतील फर्निचर व इतर वस्तू जळून खाक झाल्या.

- कॅजिटन परेरा

‘विधानसभेमध्ये मी निवडून आलो नाही तर समस्त गोवेकरांचे भले कसे होणार?’ हा प्रश्‍न निवडणुकीला उभे राहाणार्‍या हर एक उमेदवाराच्या मनात असतो. पूर्वीही होता व आता तर तो अधिक जोरकस आहे. दुसर्‍याबद्दल म्हणाल तर उमेदवारांच्या मनातील खळबळ अशी...‘तो काय करणार विधानसभेत जाऊन? असल्याने गेल्या दहा वर्षांमध्ये तरी काय दिवे लावलेत? तो लोकांचा नव्हे तर स्वतःचा विकास करणार ना?’ १९६३ नंतर दर पाच वर्षांनी निदान ९ ते १० निवडणुका आल्या अन् गेल्या. पूर्वीच्या विजयी आमदारापेक्षा आपण आपला मतदारसंघाचा कसा चौफेर विकास यावेळी करू ह्याच्या गमजा नवीन उमेदवार मारणार. अशा तर्‍हेच्या वागण्यामुळे विकास म्हणजे नक्की काय हवे आहे सामान्यजनांना? गेल्या पन्नास वर्षांचा साक्षीदार म्हणून सांगतो....रस्ते आले, वीज गावागावात पोहोचली, नळ घरोघरी जोडले गेले, शाळा बांधण्यात आल्या, पाच गावांमध्ये कोठेतरी सरकारी इस्पितळे आली, पोस्ट ऑफिसे, बँका गावागावात पोहोचल्या. रेल्वे आणि मोठमोठे महामार्ग गोव्यातून धावू लागले. यावर सुद्धा विकास झाला नाही असे कसे म्हणता येईल? गोव्यातील टोकावरच्या आजूबाजूला असलेल्या गावातून सकाळी सात वाजता बसेस धावू लागतात आणि रात्री सात ते आठ वाजेपर्यंत माघारी येतात. विकासासाठी आता उरले आहे तरी काय? मासेवाले, भाजीवाले, फेरीवाले आणि हमालसुद्धा खिशामध्ये मोबाईल फोन ठेवून फिरतात. यापेक्षा आणखी विकास तो कोणता? यासाठी विकासाच्या दिशा आता बदलल्या आहेत आणि त्या नवीन उमेदवारांना निश्‍चितपणे माहीत असावयास हव्यात.

पक्षाच्या उमेदवारीसाठी आधीच गुडघ्याला बाशिंग बांधून बसलेल्या भल्या भल्यांचा पत्ता कॉंग्रेसने अंतिम क्षणी काटला. फातोर्डा आणि काणकोणच्या उमेदवारीकडे डोळा लावून बसलेल्या दोघा ‘विजयां’चे जवळजवळ निश्‍चित मानले जाणारे तिकीट ऐनवेळी काढून घेण्यात आले. विजय सरदेसाई यांनी तर आपल्या प्रचाराला सुरूवात केली होती. प्रचाराची गाणीही तयार केली होती. प्रचार कार्यालयाचे उद्घाटन त्यांनी खुद्द मुख्यमंत्री दिगंबर कामत यांना बोलावून केले होते, त्यामुळे त्यांचे तिकीट निश्‍चित आहे असेच मानले जात होते, परंतु कॉंग्रेस संस्कृतीमध्ये कोण कोणाचा कधी कसा गळा कापेल हे कधीच सांगता येत नाही. त्यामुळे सरदेसाई यांना शेवटच्या क्षणी डावलले गेले आणि पक्षाचे निष्ठावंत एम. के. शेख यांना उमेदवारीची लॉटरी फुटली. शेख यांची पक्षनिष्ठा वादातीत आहे, परंतु या निष्ठेपेक्षा त्यांच्या अल्पसंख्यक असण्याचा त्यांना ही उमेदवारी मिळण्यात अधिक वाटा आहे असे दिसते. काही मतदारसंघांतून तरी कॉंग्रेस उमेदवारी मुस्लीम उमेदवारालाच मिळायला हवी असा आग्रह त्यांच्या विविध संघटनांनी गेला बराच काळ धरला होता आणि त्यामुळे काही मतदारसंघांमध्ये अशी उमेदवारी देण्यासाठी कॉंग्रेसवर यावेळी मोठा दबाव होता.

पणजी शिमगोत्सव समितीच्या वार्षिक सर्वसाधारण सभेत श्रीनिवास धेंपो यांची अध्यक्षपदी निवड करण्यात आली. अन्य पदाधिकारी पुढीलप्रमाणे - मंगलदास नाईक - कार्याध्यक्ष, पणजीचे महापौर - पदसिद्ध अध्यक्ष, शांताराम नायक (चिटणीस), शशिकांत सरदेसाई (खजिनदार), सुधीर आगशीकर (संयुक्त खजिनदार), दीपक आमोणकर (संयुक्त सरचिटणीस), मनोहर पर्रीकर - पणजीचे आमदार.

तिकीटास विरोधामागे घराणेशाहीचे पुरस्कर्ते : आरोप

घराणेशाही आणू पाहणार्‍या लोकांनीच केंद्रीय वरिष्ठ नेत्यांना अमिष दाखवून, आपण घोटाळ्यांचा विरोध केल्याने आपला फातोर्डा येथील कॉंग्रेसची उमेदवारीपासून बळी दिला. यापुढेही आपला लढा चालूच राहणार असून माझे हायकमांड फातोर्डेची जनता असून, त्यांच्याच मागणीनुसार आज सोमवारी १० वाजता ‘अपक्ष’ म्हणून उमेदवारी अर्ज दाखल करणार आहे असे हजारो कार्यकर्त्यांसमोर बोलताना विजय सरदेसाई यांनी सांगितले.

मयें मतदारसंघात राष्ट्रवादीला जिंकून येणे शक्य नसल्याचे दिसून आल्याने राष्ट्रवादी कॉंग्रेसच्या काल झालेल्या बैठकीत मयें मतदारसंघ कॉंग्रेसलाच सोडण्यावर विचार झाल्याचे समजते. असे झाल्यास राष्ट्रवादीला आता फक्त सहा मतदारसंघावरच समाधान मानावे लागणार आहे. दरम्यान, म्हापसा व पर्वरी या मतदारसंघांसाठीचे उमेदवार काल रात्री उशीरापर्यंत राष्ट्रवादीकडून जाहीर झाले नव्हते.

गोवा राजभवन हे ‘जनतेची अधिकारिणी’ असून ते माहिती हक्क कायद्याच्या अखत्यारित येत असल्याच्या उच्च न्यायालयाने दिलेल्या महत्त्वपूर्ण निवाड्याविरोधात गोव्याच्या राज्यपालांच्यावतीने त्यांचे विशेष सचिव डॉ. एन. राधाकृष्णन यांनी ‘स्पेशल लिव्ह पिटिशन’व्दारे सर्वोच्च न्यायालयात आव्हान दिलेल्या याचिकेवर सर्वोच्च न्यायालयाचे न्यायमूर्ती दलवीर भंडारी व न्यायमूर्ती दीपक मिश्रा या न्यायपीठासमोर १३ फेब्रुवारी रोजी सुनावणी होणार आहे.

प्रवीण रेड्डी या एमबीएचे शिक्षण घेणार्‍या विद्यार्थ्याला भोसकून खून करण्याचा प्रयत्न केल्याप्रकरणी लंडन पोलिसांनी तिघांवर गुन्हे नोंद केले आहेत. त्यांची नावे अमरेश्वर अरावा (२५), साई किशोर बालगुडी (२५), निशांत पुट्टपका (२३) अशी आहेत. शुक्रवारी रात्री या विद्यार्थ्यावर जीवघेणा हल्ला झाला होता. त्याला मानेत, पोटात असे अनेक ठिकाणी भोसकण्यात आले.

सैफुल्ला खान यांना मुरगांव मतदारसंघाची उमेदवारी न दिल्याने अखिल गोवा मुस्लिम फोरमचे मुख्य समन्वयक शेख इप्तिकार यांनी नाराजी व्यक्त करून या निवडणुकीत कॉंग्रेसच्या विरोधात काम करणार असल्याचे सांगितले.

अमली पदार्थ विरोधी पोलिसांनी परवा शनिवार दि. ११ रोजी उशिरा रात्री (१०.३० ते ११च्या दरम्यान) हणजुण येथे पेट्रोल पंपजवळ जुड पावलो विलीयम्स (२९) या किंगडम ऑफ लेसोयो या देशाच्या नागरिकांकडून ५ किलो चरस हस्तगत केले. या चरसची किंमत पाच लाख रु. एवढी आहे.

विधानसभा निवडणुकीसाठी काल ४० उमेदवारांनी अर्ज केले. त्यात समीर साळगावकर - (मांद्रे) तृणमूल कॉंग्रेस, विठू मोरजकर - (पेडणे) भाजप, पांडुरंग राऊत - (डिचोली) तृणमूल कॉंग्रेस, नीळकंठ हळर्णकर (थिवी) राष्ट्रवादी कॉंग्रेस, फ्रान्सिस डिसोझा (म्हापसा) भाजप, उदय पालयेकर (शिवोली) कॉंग्रेस, दिलीप परुळेकर (साळगाव) भाजप, मायकल लोबो (कळंगुट) भाजप, गोविंद पर्वतकर (पर्वरी) भाजप, ग्लेन तिकलो (हळदोणे) भाजप, मनोहर पर्रीकर (पणजी) भाजप,

ज्येष्ठ कॉंग्रेस नेते व गोवा प्रदेश कॉंग्रेसचे सरचिटणीस आल्तिनो गोम्स यांची होऊ घातलेल्या गोवा विधानसभा निवडणुकीसाठीच्या प्रचार समितीचे समन्वयक म्हणून निवड करण्यात आली आहे.

पेडणे मतदारसंघातून भाजपातर्फे विठू मोरजकर यांनी ११ रोजी उमेदवारी अर्ज सादर करून चर्चेला उधाण आणले आहे.

पेडणे मतदारसंघातून भाजपातर्फे ९ रोजी राजेंद्र आर्लेकर यांनी उमेदवारी अर्ज सादर केला होता व ११ रोजी विठू मोरजकर यांनी त्याच पक्षाच्या उमेदवारीवर अर्ज भरल्याने विठू मोरजकर यांचा अर्ज आता पक्षाच्या ‘बी’ फॉर्मवर अवलंबून आहे. अन्यथा तो अर्ज त्याच दिवशी बाहेर पडू शकतो.

ब्रिटनमधील लंडन बिझनेस स्कूलचा एमबीएचा विद्यार्थी असलेल्या प्रवीण रेड्डी नामक भारतीय तरुणास काल लंडनमध्ये भोसकण्यात आले. यासंदर्भात अकराजणांना अटक करण्यात आली आहे.

उत्तर प्रदेश विधानसभा निवडणुकीच्या काल झालेल्या दुसर्‍या टप्प्यात ५९ टक्के मतदान झाले. नऊ जिल्ह्यांतील ५९ जागांसाठी काल मतदान झाले. दोन राजकीय पक्षांच्या प्रदेशाध्यक्षांसह एकूण १०९८ उमेदवारांचे राजकीय भवितव्य काल मतदानयंत्रांमध्ये बंद झाले आहे. ३१ आमदार व २४ माजी मंत्र्यांचाही यात समावेश आहे.

प्रा. रत्नाकर लेले सत्कार सोहळ्यात डॉ. अशोकराव कुकडे यांचे उद्गार

व्यक्तीपेक्षा सामाजिक संबंध महत्त्वाचे. सामाजिक संबंधांपेक्षा राष्ट्रीय संबंध महत्त्वाचे ही मानसिकता तयार होणे गरजेचे आहे. त्यातूनच जीवननिष्ठेने काम करणारी आदर्श माणसे तयार होतात. रत्नाकर लेले यांच्यासारखे अखंड समर्पित वृत्तीने काम करता आले पाहिजे, असे उद्गार राष्ट्रीय स्वयंसेवक संघाचे पश्चिम क्षेत्र संघचालक डॉ. अशोकराव कुकडे यांनी काल येथे केले.

- रमेश सावईकर

येत्या ३ मार्च २०१२ रोजी होणारी गोवा राज्य विधानसभा निवडणूक राजकीय पक्षांची कसोटी ठरविणारी असेल, अशी स्पष्ट चिन्हे आता दिसू लागली आहेत. सत्ताधारी कॉंग्रेस पक्षात धुमसत असलेल्या अंतर्गत धुसफुशीला तोंड फुटले आहे. सत्तेसाठी हेवेदावे, दावेगिरी, राजकीय कार्यकर्त्यांकडून दबावतंत्राचा वापर, उमेदवारी-तिकीटासाठी कार्यकर्ते-समर्थक यांचे शक्तीप्रदर्शन, एकमेकांची उणी-दुणी वेशीवर टांगण्यासाठी लागलेली अहमहमिका.... सारे सारे काही मतदारांना उघड्या डोळ्यांनी पहात राहण्याशिवाय दुसरा पर्यायच राहिलेला नाही.

वेळ्ळीच्या धर्मगुरूंवरील छाप्याप्रकरणी दक्षिण गोव्याच्या जिल्हाधिकार्‍यांनी व निवडणूक आयोगाच्या अधिकार्‍यांनी माफी मागावी असा हट्टाग्रह काही राजकारण्यांनी आणि धर्मगुरूंनी धरला आहे. माफी मागली जाणार नसेल तर वेळ्ळीतील साडेपाच हजार नागरिक मतदान करणार नाहीत अशी धमकीही यासंदर्भात दिली गेली. या प्रकरणाची संवेदनशीलता लक्षात घेऊन राजकारणीही तापल्या तव्यावर पोळी भाजून घेण्यासाठी त्यात उतरले आणि शांताराम नाईकांपासून सुभाष शिरोडकरांपर्यंत सर्वांनी तत्परतेने हे छापे कसे गैर होते हे सांगण्यात आपली शक्ती खर्ची घातली. निवडणूक काळात एखाद्या उमेदवाराच्या वतीने मतदारांना पैसे वाटले जात असतील तर छापा टाकून अशी रक्कम तात्काळ जप्त करावी असे निवडणूक आचारसंहिता सांगते. वेळ्ळीचे धर्मगुरू अशा प्रकारे मतदारांना पैसे वाटत असल्याची एक निनावी तक्रार निवडणूक आयोगाकडे आली आणि त्यांच्या भरारी पथकाने आयकर अधिकार्‍यांसह तेथे छापा मारला. प्रत्यक्षात तेथे पैसेवाटप चालल्याचे त्यांना काही आढळून आले नाही.

- डॉ. सोमनाथ कोमरपंत

भारतीय प्रबोधनकालाचे एक शिल्पकार म्हणून स्वामी विवेकानंदांचे नाव अभिमानाने घेतले जाते. त्यांचे तेजस्वी व्यक्तिमत्त्व देशबांधवांना निरंतर स्फूर्ती देणारे आहे. सार्‍या जगाला मानवतेचा दिव्य संदेश देणारे आहे. खडतर कालखंडात त्यांनी विवेकनिष्ठेच्या बळावर भारतीय अस्मितेला आकार दिला. राष्ट्रतेजाचा स्फुल्लिंग जागविला. त्यांच्या अमोघ वाणीत मनुष्यमात्राला भावमंत्रित करण्याची शक्ती होती. तिच्यातील विजिगीषू जीवनप्रणाली किंकर्तव्यमूढ देशबांधवांना दीपस्तंभाप्रमाणे अभ्युदयाची दिशा दाखविणारी होती.

- अजय बुवा

गोव्यात नाट्यचळवळ म्हणावी तशी अजूनही सशक्त झालेली नाही. हौशी रंगभूमी हळूहळू लोप पावत चालली आहे. कला अकादमीच्या नाट्य स्पर्धांना फक्त चार-चार नाटके सादर होताहेत. उत्सवी रंगभूमीवर तीच नाटके व तोच पचकट विनोद चालू आहे. वार्षिक परंपरा म्हणून देवळासमोर नाटक व्हायला हवे, या भावनेने निव्वळ ‘भागवून नेणे’ हा प्रकार चालू आहे. कोकणी अकादमी व सम्राट क्लबचा मास्टर दत्ताराम नाट्य महोत्सव वगळता नाट्यक्षेत्रात गोव्यात तशी उदासीनताच आढळून येत आहे. आणि अशा या वातावरणात ‘सादीर थिएटर फेस्टीवल’ सारखं नाव गोव्यात आढळतं हे नाट्यचळवळीला पोषक आहे. पृथ्वी थिएटर फेस्टीवल, भारत रंग महोत्सव - दिल्ली सारखे महोत्सव आम्हांला ऐकून माहीत होते. परंतु त्याच तोला-मोलाचे एक नाट्यमहोत्सव गोव्यात यशस्वी होऊ शकतो हे या फेस्टीवलने दाखवून दिले आहे.

- लाडोजी परब

कोकणचे निसर्गसौंदर्य जसे विलोभनीय तसेच तेथील लाल मातीतून घडणारे कलाकार म्हणजे कलेची खाणच! कोकणची कला आणि संस्कृती या कलाकारांनी स्वत:च्या कुंचल्यातून जिवंत ठेवली आहे. सावंतवाडी तालुक्यातील निरवडे (कोनापाल) गावातील एक तरुण कलाकार दिलीप राणे. या कलावंताच्या हातातून तयार होणारी प्रत्येक मूर्ती बोलू लागते. कोकणच्या संस्कृतीचे दर्शन घडविते. सावंतवाडी (माजगाव) येथील आणखी एक कलाकार विलास मांजरेकर यांच्या कलाकृतीही सर्वदूर पोहोचल्या आहेत. कोकणातील ही रत्ने आपल्या कलेद्वारे कोकणची संस्कृती जतन करताहेत.

जन्मवर्ष वादप्रकरणी न्यायालय सरकारच्या बाजूने

लष्कर प्रमुख जनरल व्ही. के. सिंग यांनी दाखल केलेल्या याचिकाप्रकरणी सर्वोच्च न्यायालयाने सरकारची बाजू घेत जनरल सिंग यांना याचिका मागे घेण्याची सूचना केली. सरकारने नोंद केेलेली जन्मतारीखच ग्राह्य धरली जाईल असेही कोर्टाने स्पष्ट केले. याचिका मागे घेतली नाही तर स्वत:हून ती फेटाळू असा इशाराही कोर्टाने दिला.

काल वेगवेगळ्या मतदारसंघातून २६ जणांनी निवडणूक उमेदवारी अर्ज सादर केले असून त्यामुळे एकूण उमेदवारांची संख्या ७७ झाली आहे. काल अर्ज भरलेल्या प्रमुख उमेदवारांमध्ये आग्नेल फर्नांडिस (कॉंग्रेस- कळंगुट), पांडुरंग मडकईकर (कॉं- कुंभारजुवे), सुभाष शिरोडकर (कॉं. शिरोडा), वालंका आलेमाव (कॉं. बाणावली), चर्चिल आलेमाव (कॉं. नावेली),

युगोडेपा पक्षाने आज आपले तीन उमेदवार जाहीर केले. वास्को- आदम जुम्मा, फोंडा- गितेश गोकुळदास नाईक व साळगाव येथे फ्रांसिस्क कुलास यांना उमेदवारी दिली आहे.

कॉंग्रेस पक्षाने उमेदवार्‍या विकल्याचा आरोप करून आपल्यावर झालेल्या अन्यायामुळे आज किंवा उद्या आमदारकीचा राजीनामा देऊन आपण अपक्ष उमेदवार म्हणून अर्ज भरणार असल्याचे सांताक्रुझच्या आमदार व्हिक्टोरिया फर्नांडिस यांनी काल पत्रकार परिषदेत जाहीर केले. शिक्षणमंत्री बाबुश मोन्सेर्रात सत्तेचा गैरवापर करीत असून आपल्या कार्यकर्त्यांना तो धमक्या देत असल्याचे फर्नांडिस यांनी सांगितले.

मूळ गोमंतकीय असलेले ब्रिटीश संसदेचे सदस्य किथ वाझ हे सोमवार दि. १३ फेब्रुवारीला गोमंतकीय उद्योजकांना संबोधित करणार आहेत. हा कार्यक्रम संध्या. ५.३० वा. गोवा चेंबर ऑफ कॉमर्सच्या सुरेंद्रबाबू तिंबलो सभागृहात होईल. भारत-ब्रिटन दरम्यान, उद्योगसंधींबाबत ते माहिती देतील. किथ वाझ हे १९८७ सालापासून सहा वेळा हाऊस ऑफ कॉमन्सवर निवडून गेले आहेत. टोनी ब्लेअर यांच्या मंत्रिमंडळात ते मंत्रीही होते.

पाकिस्तानातील राजकीय नेता असलेला भूतपूर्व क्रिकेटर इम्रान खान याच्या रॅलीवर काल झालेल्या ग्रेनेड हल्ल्यात व गोळीबारात दहा जण ठार झाले. यात चार पोलीसांचा समावेश आहे. हा हल्ला खैबर पक्तूनक्वा प्रातांत झाला.

मुंबईतील झवेरी बाजार आणि गेटवे ऑफ इंडिया येथे झालेल्या दुहेरी बॉम्बस्फोटातील तिघाही आरोपींचा मृत्यूदंड मुंबई उच्च न्यायालयाने काल कायम ठेवला. सन २००३ मध्ये हे स्फोट झाले होते व त्यात ५७ जण ठार झाले होते. आरोपींनी दाखल केलेल्या सर्व याचिका उच्च न्यायालयाने निकालात काढल्या. या निवाड्यास सर्वोच्च न्यायालयात आव्हान देणार असल्याचे आरोपींच्या वकिलांनी सांगितल्याने त्यांना आठ आठवड्यांची मुदत देण्यात आली आहे.

दाबोळी येथे फ्लॉपी बार जवळील वळणावर शुक्रवारी पहाटे तीन वाहनांच्या विचित्र अपघातामध्ये बसची धडक बसल्याने इनोव्हा कार चालक किशन बोरकर (२१, रा. डोंगरी) हा जागीच ठार झाला तर तिघेजण जखमी झाले. वास्को पोलिसांनी दिलेल्या माहितीनुसार सदर अपघात शुक्रवारी पहाटे पाच वाजण्याच्या सुमारास घडला. सिता टुर्स ऍण्ड ट्रॅव्हल्सची मिनी बस, वॅगनआर आणि इनोव्हा यांच्यामध्ये हा अपघात घडला. तिनही वाहने यावेळी वेर्णाहून दाबोळी विमानतळाकडे येत होती. जीए-०१-टी-७१६६ क्रमांकाची इनोव्हा कारने चालक किशन बोरकर हा दाबोळीच्या दिशेने येत असताना उजव्या बाजूकडील मागील टायर पंक्चर झाल्याने गाडीतून बाहेर येऊन तिथेच टायर बदलत होता.

राज्यातील पोलिस अधिकारी तथा इतर पदावरील पोलिसांच्या बदल्यामध्ये झालेला विरोधाभास स्पष्टपणे दिसत असल्याची तक्रार ऍड्. आयरिश रॉड्रिग्ज यांनी काल मुख्य निवडणूक अधिकार्‍यांकडे केली आहे.

भारताच्या विदेश धोरणात अरब राष्ट्रांबाबत कोणत्याही प्रकारची नीती अथवा धोरण नसते. सौदी अरेबिया, कुवेत, इस्राईल, तुर्की, सिरिया या अरब राष्ट्रांमध्ये संघर्ष असतात. राजकीय घटनाही वेगाने घडत असतात. तरीही या देशात भारताचा राजदूत नाही किंवा त्यासंदर्भात खास धोरणही नाही. अरब राष्ट्रात १९७३ पासून संघर्षास प्रारंभ झाला. १९९० मध्ये रशियाचे विघटन झाले व परिस्थिती बदलली.

पेडण्याचे उपजिल्हाधिकारी अजित पंचवाडकर यांनी पेडण्यातील लोकांना अपशब्द वापरल्याप्रकरणी निवडणूक अधिकार्‍यांनी स्थापन केलेल्या समितीने चौकशी पूर्ण केली असून अहवाल सादर केला आहे.

- दत्ता भि. नाईक.

डिसेंबर १९७० मध्ये सावंतवाडी येथील नरेंद्र डोंगरावर राष्ट्रीय स्वयंसेवक संघाचे हेमंत शिबिर भरले होते. तेथे रत्नाकर एका गणाचा शिक्षक होता. माझा समवयस्क, नुकतेच मिसरूड फुटलेला, पण तरीही तो गणशिक्षक झालेला. स्पष्ट आवाजात आज्ञा देत होता. त्याची नजर सर्वत्र भिरभिरत होती. गणातील सर्वजणांवर त्याचे असलेले नियंत्रण पाहून एखादा सेनाधिकारीही ओशाळला असता. तेव्हापासून आमची गट्टी जमली ती आजतागायत घट्टच आहे.

जगभरातील सधन पर्यटकांचे प्रिय स्थळ असलेल्या मालदीवमधील विद्यमान राजकीय घडामोडी भारतासाठीही चिंतेचा विषय आहे. हिंदी महासागरातील या द्वीपसमूहावरील लोकशाही राजवट उलथवून तेथील सत्ता विरोधी पक्षांनी काबीज केली आहे. निवडणुकीद्वारे निवडले गेलेले राष्ट्राध्यक्ष महंमद नाशीद यांना सत्तेवरून पायउतार तर केले गेलेच, शिवाय त्यांना जबर मारहाणही झाली. अर्थात, परिस्थिती एवढी चिघळण्यास ते स्वतःच कारणीभूत ठरले हेही तेवढेच खरे आहे. गेले काही महिने मालदीवमध्ये असंतोषाचे वारे वाहात होते. वाढती महागाई, सरकारची इस्लामविरोधी धोरणे अशी अनेक कारणे पुढे करून विरोधकांनी राष्ट्राध्यक्षांविरुद्ध आघाडी उघडली होती. त्यातच देशाचे सरन्यायाधीश अब्दुल्ला महंमद हे आधीच्या राजवटीतील भ्रष्टाचाराची प्रकरणे नीट हाताळत नाहीत असा आरोप करून सरकारने त्यांना तुरुंगात डांबले, तेव्हा विरोधकांनी ती संधी साधून लोकांना रस्त्यावर उतरवून सत्ता हस्तगत केली आहे. न्या. अब्दुल्ला यांना अटकेत टाकण्याची सरकारची कृती राष्ट्राध्यक्षांचे आसन डळमळवण्यास कारणीभूत ठरली असली, तरी या प्रकरणाला गेल्या अनेक महिन्यांतील घडामोडींची पार्श्वभूमीही आहे. मालदीव हा द्वीपसमूह मुख्यत्वे तेथील पर्यटनासाठी जगविख्यात आहे.

समीर साळगावकर, बंडू देसाई, पांडुरंग राऊत यांना उमेदवारी

भाजप-कॉंग्रेस या मोठ्या पक्षांनी उमेदवारी नाकारल्याने वेगवेगळ्या मतदारसंघातील इच्छुक उमेदवारांनी आता तृणमूल कॉंग्रेसमध्ये प्रवेश करण्यास सुरुवात केली असून काल पक्षाचे राष्ट्रीय सचिव तथा केंद्रीय जहाजबांधणी राज्यमंत्री मुकूल रॉय यांनी चार उमेदवारांची नावे जाहीर केली.

निवडणुकीच्या पार्श्वभूमीवर सांताक्रुझ मतदारसंघातील वातावरण संवेदनशील बनत असून काल व्हिक्टोरिया फर्नांडिस व बाबूश मोन्सेर्रात यांच्या समर्थकांत झालेल्या मारहाणीत एकजण गंभीर जखमी झाला. या प्रकरणी पोलिसांनी दोघांना अटक केली आहे.

प्रदेश कॉंग्रेसचे कार्यकारी अध्यक्ष फ्रान्सिस सार्दिन यांनी कुटुंबातील सदस्यांना उमेदवारी दिल्यासंबंधीच्या प्रश्‍नावर कोणतीही प्रतिक्रिया देण्यास नकार दिला. तिकीट देण्याचे काम आपले नव्हे, असेही ते म्हणाले. वेळी येथील चर्चच्या कार्यालयावर आयकर खात्याने मारलेल्या छाप्याचा त्यांनी निषेध केला. चर्चचे कार्य बिशपनी घालून दिलेल्या मार्गदर्शक तत्वानुसारच होत असते, असे सार्दिन यांनी सांगितले.

सूडबुद्धीने अन्यायकारक बदल्या झाल्याची तक्रार

निवडणूक आयोगाच्या आदेशानुसार राज्यातील पोलिसांच्या बदल्या करताना उत्तर गोव्यातील कर्मचार्‍यांना दक्षिण गोव्यात व दक्षिणेतील कर्मचार्‍यांना उत्तर गोव्यात पाठविण्यात आल्याने त्यांच्यासमोर गंभीर समस्या निर्माण झाली असून मुलांच्या परीक्षा तोंडावर असताना अचानक करण्यात आलेल्या या बदल्यांना सामोरे कसे जावे असा प्रश्न त्यांना पडला आहे. पोलिसांच्या वतीने यासंदर्भात राष्ट्रीय मानवी हक्क आयोगाकडे रीतसर तक्रार दाखल करण्यात आली आहे.

डी. डी. कोसंबी विचार महोत्सवात शेखर सिंग यांचे प्रतिपादन

भ्रष्टाचाराविरुद्ध लढण्यासाठी एखादी सक्षम यंत्रणा निर्माण केली म्हणजे देशातील भ्रष्टाचार मिटेल ही देशातील मध्यमवर्गाची ‘फँटसी’ असून सध्याच्या अकार्यक्षम संस्थांना पर्याय म्हणून नव्या संस्था उभारण्यापेक्षा सध्याच्या लोकशाही संस्थाच अधिक बळकट कशा करता येतील याचा विचार व्हावा असे मत शेखर सिंग यांनी काल डी. डी. कोसंबी वैचारिक महोत्सवाचे तिसरे पुष्प ‘प्रशासन व नैतिकता’ या विषयावर गुंफताना व्यक्त केले.

मेधा पाटकर यांचा इशारा

देशभरातील आंदोलने व आंदोलक यांना ‘लोक संसद’ नावाने सुरू केलेल्या आपल्या बिगर सरकारी संघटनेखाली आणून देशपातळीवर एकत्रित लढा देण्याचा निर्धार काल मेधा पाटकर यांनी पणजीत पत्रकारांशी बोलताना व्यक्त केला.

कॉंग्रेस पक्षामध्ये हयात घालवलेले माजी उपसभापती शंभू भाऊ बांदेकर यांनी प्रदेशाध्यक्ष सुभाष शिरोडकर यांना विद्यमान राजकीय घडामोडींसंदर्भात जाहीर पत्र लिहिले आहे. त्याचा गोषवारा -

श्री. सुभाष शिरोडकर,

मा. अध्यक्ष,

गोवा प्रदेश कॉंग्रेस समिती,

कॉंग्रेस भवन, पणजी गोवा

सविनय सप्रेम नमस्कार,

महाशय,

३ मार्च रोजी होऊ घातलेल्या विधानसभेच्या निवडणुकीचे तिकीट वाटप करून आपण पक्षात असलेल्या अगोदरच्या गोंधळाच्या वातावरणात अधिक गोंधळ माजवण्याचा प्रयत्न केला आहे, हे नम्रपणे आपल्या निदर्शनास आणून देण्यासाठी हे पत्र आपणास लिहीत आहे. खालील दहा मुद्दे पक्षाच्या हिताच्या आड येऊ शकतात.

उमेदवारी अर्ज भरण्यास सुरूवात होऊन गेली तरी राज्यातील प्रमुख राजकीय पक्षांची उमेदवारी यादी तयार न होणे ही बाब यावेळी तिकीटवाटप किती गुंतागुंतीचे आणि कटकटीचे झाले आहे त्याचीच निदर्शक आहे. या निवडणुकीत एक गोष्ट मुख्यत्वे घडली आहे ती म्हणजे कॉंग्रेस आणि भाजपा या दोन्ही प्रमुख पक्षांत निवडणुकीच्या तोंडावर काही ‘पाहुणे’ उमेदवार आले आहेत आणि पक्ष कार्यकर्त्यांनी मुकाटपणे त्यांच्यासाठी काम करावे अशी पक्षनेत्यांची अपेक्षा आहे. ज्यांना तिकीट नाकारले गेले, ते पक्षाचे तिकिटेच्छुक बंड करून पक्षाबाहेर पडले आणि स्वतंत्रपणे निवडणूक रिंगणात उतरण्याच्या तयारीला लागले आहेत. ही झाली उघड बंडखोरी आणि या उमेदवारांचे असे जे काही कमी - अधिक वैयक्तिक मतदार आहेत, ते त्याच्या बाजूने राहणारच, परंतु त्याखेरीज पक्षाचा जो पारंपरिक मतदार आहे, त्याला या नवीन ‘पाहुण्या’ उमेदवाराबद्दल कितपत विश्वास आहे, त्याला त्याच्याविषयी आत्मीयता वाटते का, केवळ पक्षाकडे पाहून तो मतदार आपल्याला नको असलेल्या उमेदवाराच्या पारड्यात आपले मत टाकणार का, या गोष्टीकडे मात्र पक्षनेत्यांचे दुर्लक्ष झालेले दिसते. त्यांना त्याला महत्त्व देण्याची गरज वाटत नसावी, कारण पक्षांची भिस्त यावेळी आपल्या पारंपरिक मतदारांपेक्षा आलेल्या नव्या उमेदवारांच्या मतदारसंघातील वैयक्तिक बळावर अधिक दिसून येते.

खर्चावर नियंत्रण ठेवण्यासाठी गोव्यात आलेल्या निरीक्षकांनी पोलिसांच्या मदतीने बार व रेस्टॉरंटवाल्यांना सतावण्याचा प्रयत्न केल्याच्या निषेधार्थ दि. १७ पासून बार व रेस्टॉरंट बंद ठेवण्याची तयारी केली आहे, तसा इशारा त्यांनी अबकारी खात्याला दिला आहे. त्यामुळे अबकारी खात्यासमोर पेच निर्माण झाला आहे.

आगामी विधानसभा निवडणुकीसाठी कॉंग्रेस पक्षातर्फे मुख्यमंत्री दिगंबर कामत मडगाव मतदार संघातून आज गुरुवार दि. ९ रोजी सकाळी ११ वा. निर्वाचन अधिकार्‍यांकडे उमेदवारी अर्ज दाखल करणार आहेत.

कॉंग्रेस प्रदेशाध्यक्ष सुभाष शिरोडकर हे विधानसभा निवडणूक लढवत असल्याने प्रदेश समितीचे कार्यकारी अध्यक्ष म्हणून दक्षिण गोव्याचे खासदार फ्रान्सिस सार्दिन यांची नेमणूक करण्यात आली आहे. सोनिया गांधी यांनी त्यांच्या नेमणुकीस मान्यता दिल्याचे कॉंग्रेस सरचिटणीस जनार्दन द्विवेदी यांनी जारी केलेल्या पत्रकात म्हटले आहे.

राज्य निवडणूक आयोगाच्या सूचनेवरून पोलीस खात्याने १९२ पोलीस अधिकारी व ४९८ हवालदारांच्या बदल्यांचा आदेश काल काढला. या सर्व पोलिसांना तात्काळ नव्या पोलीस स्थानकांवर रूजू होण्याचे आदेश देण्यात आले आहेत.

केंद्रीय खाण सचिवांचे प्रतिपादन

गोव्यातून होणार्‍या लोहखनिज निर्यातीवर बंदीसंदर्भात केंद्रीय वाणिज्य मंत्रालय लवकरच अंतिम निर्णय घेईल, असे प्रतिपादन केंद्रीय अतिरिक्त खाण सचिव एस. के. श्रीवास्तव यांनी काल बंगलोरमध्ये केले. लोहखनिज व मँगनिजच्या बेकायदेशीर खाणींसंदर्भात चौकशी करणार्‍या न्या. एम. बी. शाह समितीने खनिज निर्यातीवर बंदीची शिफारस केलेली आहे. त्यासंदर्भात त्यांनी हे विधान केले.

कर्नाटक विधानसभेचे कामकाज सुरू असताना अश्लील चित्रफीत पाहताना आढळलेल्या भाजपा सरकारमधील तिघाही मंत्र्यांनी आपल्या मंत्रिपदांचे राजीनामे काल सादर केले. हे राजीनामे राज्यपाल भारद्वाज यांनी स्वीकारले आहेत. मात्र, त्यांच्या मंत्रिपदाच्या राजीनाम्याने समाधानी नसलेल्या विरोधी पक्षाने काल या विषयावरून जोरदार निदर्शने केली. या तिघाहीजणांना कठोर शासन झाले पाहिजे अशी मागणी त्यांनी केली.

उत्तर प्रदेशात विधानसभेसाठी पहिल्या टप्प्यातील मतदान शांततेत पार पडले. ४०३ पैकी ५५ मतदारसंघासाठी घेण्यात आलेल्या पहिल्या टप्प्यातील मतदानात ६२ % मतदारांनी आपला हक्क बजावल्याचे निवडणूक अधिकार्‍यांनी सांगितले.

- सुभाष साजू हळर्णकर,  अध्यक्ष, सहकार भारती, गोवा प्रदेश. 

संयुक्त राष्ट्रसंघाने २०१२ हे वर्ष आंतरराष्ट्रीय सहकार वर्ष म्हणून साजरे करण्याचे ठरविले आहे. त्यानुसार जगातील सर्वच देशांमध्ये चालू वर्ष सहकार चळवळीला वाहिलेले आहे. त्या निमित्ताने जगभरात सहकार चळवळीचे विविधांगी कार्यक्रमही आयोजिण्यात येत आहेत. या वर्षाचे औचित्य साधून सहकार भारतीनेसुद्धा संयुक्त राष्ट्रसंघाच्या संमतीने आंतरराष्ट्रीय सहकार परिषदेचे आयोजन केले आहे. संपूर्ण जगभरातून अत्यंत उत्साहात या परिषदेला प्रतिसाद मिळत आहे. मध्य प्रदेश सरकार, सहकार भारती आणि रामभाऊ म्हाळगी प्रबोधिनी यांच्या संयुक्त विद्यमाने ही परिषद ९ आणि १० फेब्रुवारी असे दोन दिवस भोपाळ येथे संपन्न होत आहे. सहकार चळवळ ही अत्यंत परिणामकारक आणि यशस्वीपणे राबवत असल्याचे अनेक देशांमधल्या सहकारी संस्थांच्या यशस्वी कार्यपद्धतीवरून दिसते.

राजकारण्यांच्या रंगेलपणाच्या कहाण्या आजवर अनेक नाटका - चित्रपटांच्या कथानकाचा विषय बनल्या. आपल्या निळूभाऊंनी तर अशा अनेक खलनायकी भूमिका अजरामर केल्या. पण प्रत्यक्ष राजकारणात त्या खलनायकांनाही लाजवील अशा अशा रंगेलपणाचे घृणास्पद दर्शन काही नेतेमंडळींनी वेळोवेळी जनतेला घडवले. काहींची राजकीय कारकीर्द त्यामुळे संपुष्टात आली, तर अनेकजण आजही उजळ माथ्याने राजकारणात वावरत आहेत. देशाच्या जवळजवळ प्रत्येक राज्यामध्ये राजकीय नेत्यांची प्रकरणे कधी ना कधी उजेडात आलेली आहेत आणि गोवाही त्याला अपवाद नाही. गेल्या पाच वर्षांमध्ये उत्तर प्रदेशच्या किमान दहा राजकारण्यांना अशा प्रकरणांत राजीनामे द्यावे लागले आहेत, ज्यामध्ये सहाजण मंत्री होते. राजस्थानचे मंत्री महिपाल मदेर्ना यांचे ‘भंवरी देवी’ प्रकरण तर ताजेच आहे. ८६ वर्षांचे नारायणदत्त तिवारीदेखील जेव्हा आपल्या राज्यपालपदाला काळीमा फासत तीन महिलांसमवेत आंध्र प्रदेशच्या राजभवनात चाळा करताना पकडले जातात, तेव्हा अनैतिकतेची ती परिसीमा ठरते. हे सगळे सांगण्याचे कारण म्हणजे कर्नाटक विधानसभेत कामकाज सुरू असताना चोरून आपल्या मोबाईलवर अश्लील चित्रफीत पाहणार्‍या भाजपाच्या मंत्र्यांना काल राजीनामे द्यावे लागले.

मुख्यमंत्री कार्यालयाशी संबंध असण्यावरून निवडणूक आयोगाने काल दक्षिण गोव्याचे जिल्हाधिकारी संदीप ज्यॅकीस यांच्या बदलीचे आदेश दिले. त्यांच्या जागी डी. ए. हवालदार, आयएएस हे जिल्हाधिकारी म्हणून काम पाहणार आहेत.

एका कंत्राटदाराकडून रु. ५० हजार लाच घेताना काल सीबीआयने केंद्रीय सार्वजनिक बांधकाम खात्याचे सहायक अभियंते आर. पी. कीणी यास अटक केली.

कोसंबी वैचारिक महोत्सवाचे उद्घाटन

पूर्व व पश्‍चिमेतील विद्वानांना एकत्र आणण्याचे कार्य गुरुदेव रवींद्रनाथ टागोर यांनी आपल्या हयातीत केल्याचे उमा दासगुप्ता यांनी काल कला अकादमीत डी. डी. कोसंबी विचार महोत्सवात ‘मिटिंग ऑफ इस्ट ऍण्ड वेस्ट - रवींद्रनाथ टागोर्स चॅलेंजिग आयडियास फॉर वर्ल्ड चेंज’ या विषयावर व्याख्यान देताना सांगितले.

मुळगाव-नानोडा रस्त्यावर काल दुपारी एका मिनीबसची दुचाकीला धडक बसून दुचाकीस्वार नारायण चंद्रकांत केरकर (२६) हा वडावल येथील युवक जागीच ठार झाला.

१२ मार्चपासून संसदेचे अर्थसंकल्पीय अधिवेशन

केंद्रीय अर्थसंकल्प यंदा १६ मार्च रोजी मांडला जाणार असून रेल्वे अर्थसंकल्प त्याच्या दोन दिवस आधी म्हणजे १४ मार्च रोजी मांडला जाईल. सन २०१२ - १३ चे सर्वेक्षण १५ मार्च रोजी मांडले जाणार आहे.

कॉंग्रेस हाऊसवर मोर्चा काढणार

सांताक्रुझच्या आमदार व्हिक्टोरिया फर्नांडिस यांना कॉंग्रेसने उमेदवारी नाकारल्याच्या निषेधार्थ सांताक्रुझच्या गट कॉंग्रेससह मतदारसंघातील सुमारे २५०० कार्यकर्ते आज (८ रोजी) कॉंग्रेस सदस्यत्वाचे सामूहिक राजीनामे देणार असल्याचे सांताक्रुझ गट कॉंग्रेसचे उपाध्यक्ष प्रकाश नाईक यांनी सांगितले. वरील २५०० कार्यकर्ते आज कॉंग्रेस हाऊसवर मोर्चा आणणार असल्याचेही त्यांनी सांगितले. यावेळी प्रदेश कॉंग्रेस अध्यक्ष सुभाष शिरोडकर यांना वरील कार्यकर्ते आपली राजीनामापत्रे सादर करणार असल्याचे त्यांनी स्पष्ट केले.

कर्नाटक विधानसभेत प्रकार

कर्नाटक विधानसभेत महत्त्वपूर्ण विषयावर चर्चा सुरू असतानाच भाजपचे दोन मंत्री मोबाईलवर ‘ब्लू फिल्म’ पाहताना आढळून आल्याने खळबळ माजली.

फोंडा शहरात पार्क करून ठेवलेल्या दुचाकी वाहनाना बनावट चावी वापरून दुचाकी चोरणार्‍या तीन युवकांना फोंडा पोलिसांनी मुद्देमालासह अटक केली. पैकी दोन अल्पवयीन आहेत.

२७ जिल्हा परिषद आणि ३०५ पंचायत समित्यांसाठी मंगळवारी सरासरी ६५ टक्के मतदान झाले आहे, अशी माहिती राज्य निवडणूक आयुक्त नीला सत्यनारायण यांनी मुंबईत दिली.

- दिलीप बोरकर

याच महिन्याच्या ४ तारखेला राजभाषा दिनाचा रौप्यमहोत्सवी कार्यक्रम गोवा कोंकणी अकादेमीने मडगावच्या रवींद्र भवनमध्ये साजरा केला. राजभाषा कायदा संमत करून यंदाच्या वर्षी २५ वर्षाचा काळ उलटला तरी हा कायदा गोव्यात अस्तित्त्वात आहे, याची सुतराम कल्पना गोव्यातील जनतेला आहे असे वाटले नाही, कारण एक कोंकणी अकादेमी वगळता या दिनाची आठवण सरकार आणि आम जनतेला सोडा, देशी भाषा संवर्धनासाठी झटणार्‍या एकाही संस्थेला झाली नाही, यावरून गोमंतकीयांना सदर दिनाचे महत्त्व किती आहे, याची कल्पना येते.

यंदाच्या गोवा विधानसभा निवडणुकीत बंडखोरी अटळ असेल असे सूतोवाच बर्‍याच दिवसांपूर्वी केले होेते, ज्याचे दृश्य पडसाद आता ठळकपणे दिसू लागले आहेत. कॉंग्रेस असो किंवा भाजपा असो, जवळपास प्रत्येक मतदारसंघात बंडोबा तयार झाले आहेत आणि कमी - अधिक प्रमाणात पक्षाच्या अधिकृत उमेदवारास दणका देण्यास सज्ज झाले आहेत. सर्वांत लक्षवेधी बंड ठरले ते श्रीपाद नाईक यांचे. त्यांच्या उमेदवारीसंदर्भात जो काही खेळ मांडला गेला, त्याच्या निषेधार्थ त्यांनी उमेदवारी जाहीर झाल्यानंतर ती नाकारून शहाला काटशह दिला. अद्याप त्यांनी पक्षाच्या विरोधात कोणतीही टिप्पणी केलेली नसली तरी त्यांच्या विषयावरून पक्ष दुभंगलेला आहे हे कोणालाही कळून चुकते. जे श्रीपाद यांच्या बाबतीत घडले आहे, तेच भाजपाचेच ज्येष्ठ नेते प्रकाश वेळीप यांच्या बाबतीतही घडणार आहे.

- डॉ. सीताकांत घाणेकर

जगातील प्रत्येक माणसाला आपल्या कर्माप्रमाणे फळ मिळते. सत्कर्माचे फळ चांगले व दुष्कर्माचे फळ वाईट हा निसर्गाचा सिद्धांत आहे. म्हणून प्रत्येक व्यक्तीने दक्षतेने कर्म करायला हवे व आपले चारित्र्य घडवायला हवे. ह्या जन्मातील आपले प्रारब्ध चांगले आहे. ह्याचे कारण म्हणजे अनेक जन्माचे संचित कर्म. हे सत्य सुज्ञ मानवाने कधीही विसरता कामा नये. पण दुर्भाग्याने अनेक व्यक्तींच्या बाबतीत अनेक वेळी असे घडत नाही. उलट पूर्वसुकृतामुळे जी विद्या, संपत्ती किंवा सत्ता त्यांना मिळते त्यामुळे ते स्वार्थी व उन्मत्त बनतात. ते अधर्माने वागतात. इतरांवर अत्याचार करतात. कारण कर्मसिद्धांताची त्यांना विस्मृती होते. अशा घटना विश्वात आजच नाही तर इतिहासात देखील प्रत्येक युगात अनेक वेळा दिसतात.

- प्रा. रमेश सप्रे

‘‘माझ्या नावाचं स्पेलिंग ‘एन् ओ ओ पी यू आर्’ असं करा हं .. अन्‌‌ हिंदीत लिहिताना ‘नू’ दुसरा व ‘पु’ पहिला बरं ...’’ आईवडलांच्यामध्ये बसलेल्या एका चिमुकल्या चानीनं (खारोटीनं) उठून सांगितलं. मी प्रवेश यादीत तिचं नाव लिहित होतो. तिचे बाबा प्रवेशअर्ज भरत होते.. आई अकारण अस्वस्थ नि ही निर्धास्त..बिंधास!

चार उमेदवार जाहीर

थिवी मतदारसंघात निवडणूक लढविण्यासाठी मगोकडे उमेदवार नसल्याने मगो नेत्यांनी आपल्या पक्षाच्या तिकीटावर माजी आमदार सदानंद शेट तानावडे यांनी निवडणूक लढवावी म्हणून त्यांना साकडे घातले आहेत. त्यामुळे मगो व भाजपसमोर या मतदारसंघाच्या बाबतीत समस्या निर्माण झाली आहे.

गोवा विधानसभा निवडणुकीसाठी उमेदवारी अर्ज भरण्याच्या काल पहिल्या दिवशी केवळ दोघा उमेदवारांनी उमेदवारी अर्ज भरून निर्वाचन अधिकार्‍यांकडे सादर केले.

मांद्रे मतदारसंघाची उमेदवारी नाकारल्याच्या कारणावरून कॉंग्रेसच्या आर्थिक विभागाचे प्रमुख समीर साळगावकर यांनी काल आपल्या पक्षाच्या सदस्यत्वाचा राजीनामा सादर करून या मतदारसंघातून अपक्ष म्हणून निवडणूक लढविण्याची घोषणा केली.

विधानसभा निवडणुकीसाठीची आचारसंहिता लागू झाल्यानंतर अग्निशामक दलात ११ पदे भरण्यात आल्याचा संशय व्यक्त करून आयरिश रॉड्रिग्ज यांनी त्या बाबतीत जी तक्रार आयोगाकडे केलेली आहे त्याबाबत चौकशी चालू असल्याचे गुरुदास नावती यांनी काल सांगितले.

कोर्टाचा संकेतस्थळांना निर्वाणीचा इशारा

१५ दिवसांत आक्षेपार्ह मजकूर हटवावा असा निर्वाणीचा इशारा दिल्लीच्या कोर्टाने याहू, गुगल, फेसबूकसह २२ संकेतस्थळांना दिला असून संबंधित मजकूर काढून टाकल्याचे प्रतिज्ञापत्र १ मार्चपर्यंत सादर करावे, असे सांगितले आहे.

‘आणखी वेळास तुम्ही पात्र नाही’ असे या संकेतस्थळांना कोर्टाने खडसावले. धर्मद्वेषी, समाजविघातक मजकूर प्रसारित केल्याचा ठपका या संकेतस्थळांवर ठेवला आहे. याप्रकरणी काल सुनावणी झाली.

जनता दल (संयुक्त) गोवा विधानसभा निवडणुकीत १५ जागा लढवणार असल्याचे पक्षाचे गोव्यातील उपाध्यक्ष डॉ’निक सावियो फर्नांडिस यांनी सांगितले.

बुद्धीला वैचारिक खाद्य देणारा गोवा राज्य कला आणि संस्कृती संचालनालयाचा पाचवा डी. डी. कोसंबी वैचारिक महोत्सव आज पासून सुरू होत आहे. ७ ते ११ फेब्रुवारी दरम्यान कांपाल पणजी येते कला अकादमीच्या मा. दिनानाथ मंगेशकर सभागृहात जागतिक कीर्तीच्या विचारवंताना ऐकण्याची नामी संधी गोमंतकीयांना मिळणार आहे.

प्राप्तीकरातून वगळण्याची मर्यादा सध्याच्या एक लाख ऐंशी हजारांवरून दोन लाखांवर नेण्याचा निर्णय सरकार घेण्याची शक्यता असून आगामी अर्थसंकल्पात तशी घोषणा संभवते. सरकारच्या विचाराधीन असलेल्या डायरेक्ट टॅक्स कोडमध्ये तशा प्रकारची शिफारस करण्यात आली आहे. सरकारने त्याची अंमलबजावणी जरी लांबणीवर टाकलेली असली, तरी त्यातील काही शिफारशी या वर्षीच्या अर्थसंकल्पात लागू केल्या जाऊ शकतात.

सोनिया गांधी यांच्या कन्या प्रियंका राजकारणात सक्रिय होण्याची चर्चा असतानाच प्रियंकाचे पती रॉबर्ट वध्रा यांनी काल आपली सक्रिय राजकारणात उतरण्याची इच्छा असल्याचे जाहीर केले. ‘‘मी येथे माझ्या मेहुण्यासाठी आलो आहे. जनतेसाठी मी काही बदल घडवू शकत असेन तर त्यासाठी राजकारणात उतरण्यास माझी हरकत नसेल’’ असे वधरा यांनी उत्तर प्रदेशमध्ये प्रचारात सहभागी झाले असता सांगितले. ‘‘मी ज्या कुटुंबातील मुलीशी विवाहबद्ध झालो आहे, ते कुटुंब राजकारणात आहे. त्यामुळे मी राजकारणापासून दूर राहू शकत नाही. योग्य वेळ असेल तेव्हा योग्य तो निर्णय घेईन’’ असे ते म्हणाले. मात्र, आपले लक्ष्य सध्या कामावर असल्याचेही त्यांनी स्पष्ट केले.

- एन. शिवदास

जनसंपर्क यात्रेत व अन्य सार्वजनिक सभांतून बोलताना विरोधी पक्ष नेते मनोहर पर्रीकर नेहमी आपला पक्ष सत्तेवर आल्यास अमूक अमूक योजना अंमलात आणणार अशा आशयाची आश्‍वासने देत आहेत. पेट्रोलचे भाव कमी करणे, निराधार महिलांची पेन्शन रक्कम वाढवून देणे, कचर्‍याची समस्या सोडवणार या व अशा प्रकारची अनेक आश्‍वासने ते सभांमधून देत आहेत. हल्लीच दै. ‘नवप्रभा’तून एका स्तंभलेखकाने मनोहर पर्रीकरांच्या या आश्‍वासनाची खिल्ली उडवून त्या आश्‍वासनांना ‘हवेतील आश्‍वासने’ असे म्हटले आहे. या लेखकाने आपली निष्ठा व प्रतिष्ठा गहाण टाकून मुख्यमंत्र्यांकडे लाळघोटेपणा करून एका सरकारी संस्थेचे अध्यक्षपद पटकावले आहे. आपली कोणी दखल घेत नाही असा टाहो फोडत शेवटी त्यांंनी, त्यांच्या काही ‘बारमेट’ मित्रांकरवी स्वतःची दखल घेण्यास भाग पाडले. मात्र विरोधी पक्षाचे पुढारी मनोहर पर्रीकर आपल्या पक्षाच्या प्रचारयात्रेत लोकांना जी आश्‍वासने आणि कार्यक्रम सादर करीत आहेत, त्याच्याशी वास्तविक या स्तंभलेखकाचे काहीही देणे-घेणे नाही. तरीही ‘नवप्रभा’चा हा स्तंभलेखक भारतीय जनता पक्षाला हिणवून कदाचित मुख्यमंत्र्यांनी त्याच्यासाठी जे काय केले, त्याचे सार्थक झाले असे भासविण्याचा तो प्रयत्न असावा. परंतु, भाजपाच्या जनसंपर्क यात्रेत लोकांना जी आश्‍वासने दिलेली आहेत, ती आश्‍वासने वरवरची नसून ती अभ्यासाअंती आणि सध्याची राजकीय व सामाजिक परिस्थितीचा विचार करूनच दिलेली आहेत. विद्यमान सरकारने गोव्याला काय दिले? तर सर्वांनी भयमुक्त लुटावे, मी माझ्या जागी, तुम्ही तुमच्या जागी, हवे ते करा हे आपल्या सहकार्‍यांना सांगितले. सरकारी नोकरांनाही, त्यांना हवा तसा ढिला राजकारभार करा, शासक म्हणून मी कुठलीही कारवाई करणार नाही, असा संदेश दिला गेला.

कॉंग्रेस - राष्ट्रवादी आणि भाजपा - मगो युतीचे घोडे अखेर गंगेत न्हाल्याने राजकीय रणधुमाळीस आता तोंड फुटणार आहे. कॉंग्रेसने आपली २२ उमेदवारांची पहिली यादी जाहीर केली आणि लागोपाठ भाजपानेही आपले २२ उमेदवार जाहीर केले. त्यामुळे काही मतदारसंघांतील लढतींचे चित्र स्पष्ट झाले आहे. मांद्रे मतदारसंघात दयानंद सोपटे आणि डिचोलीत राजेश पाटणेकर निवडणुकीच्या तोंडावर कॉंग्रेसवासी झाले, तरी त्यांना तिकीट दिले जाणार की नाही या शंकेला पूर्णविराम देत दोघांनाही उमेदवारी देत कॉंग्रेसने पक्षनिष्ठेपेक्षा जिंकून येण्याच्या क्षमतेलाच पक्षाचे प्राधान्य असेल याचे स्पष्ट संकेत दिले आहेत. पक्षाच्या निष्ठावंतांमधील अस्वस्थतेचा त्यामुळे या निवडणुकीत स्फोट होणे अटळ आहे. डिचोली गट कॉंग्रेस समितीने राजीनामे सादर करून बंडाचा बिगुल वाजवला आहेच. अनेक मतदारसंघांमध्ये विविध राजकीय पक्षांपुढे यावेळी अशा बंडाळीचे आव्हान उभे असणार आहे. भाजपाने निवडणूक जवळ येताच पक्षाचे एकेकाळचे ज्येष्ठ नेते डॉ. सुरेश आमोणकर यांना पक्षात स्वगृही परत आणले, परंतु साखळीतून उमेदवारी मात्र प्रमोद सावंत यांना बहाल केली आहे.

- डॉ. प्रमोद पाठक

या वर्षी भारताच्या प्रजासत्ताकाला ६२ वर्षे पूर्ण झाली. १९४७ साली स्वातंत्र्य मिळाल्यावर डॉ. बाबासाहेब आंबेडकरांच्या नेतृत्वाखाली त्यावेळच्या घटना समितीने निवडणूक प्रक्रिया, मंत्रिमंडळ, राज्यकारभार इ. विषयांवर निरनिराळी मतमतांतरे लक्षात घेऊन आणि राज्यकारभार सुनियंत्रित, स्वच्छ आणि कार्यक्षमतेने चालावा यासाठी मोठ्या प्रमाणावर चर्चा घडवून आणली आणि १९५० मध्ये घटनासमितीने ती मंजूर करून भारताचे प्रजासत्ताक अस्तित्वात आले.

मगो पक्षाने दिगंबर कामत सरकारचा पाठिंबा काढून घेतल्याचे काल मगोचे अध्यक्ष व आमदार दीपक ढवळीकर यांनी पत्रकार परिषदेत बोलताना सांगितले.

मगोने सरकारचा पाठिंबा काढून घेतल्याचे गोव्याचे राज्यपाल शंकरनारायण, सभापती प्रतापसिंह राणे व मुख्यमंत्री दिंगबर कामत यांना कळवण्यात आल्याचे त्यांनी सांगितले.

भाषा सुरक्षा मंचाच्या काल येथे झालेल्या पालक महासंघ मेळाव्यात होऊ घातलेल्या गोवा विधानसभा निवडणुकीत कॉंग्रेस विरोधी प्रचार करण्याचा व भाजप-मगो युतीच्या समर्थनार्थ जाहीरपणे प्रचार करण्याचा ठराव एकमताने संमत करण्यात आला.

कॉंग्रेस पक्षाचा निष्ठावंत सेवक म्हणून गेली काही वर्षे प्रामाणिक कार्य करूनही ऐनवेळी पक्षश्रेष्ठींनी आमच्या असंख्य कार्यकर्त्यांचा विश्‍वासघात केल्याने डिचोली गट कॉंग्रेस समितीच्या सर्व पदाधिकार्‍यांनी राजीनामा दिल्याची घोषणा नरेश सावळ, गटाध्यक्ष विघ्नेश गांवकर, महिला अध्यक्ष विद्या परब, कुंदन फोगेरी, अवदूत परब यांनी पत्रकार परिषदेत केली.

मये भूविमोचन समितीतर्फे मयेचा प्रश्‍न सोडवण्यासाठी समितीने ऍड्. चंद्रशेखर नाईक यांना उमेदवारी जाहीर केला असून त्यांना विजयी करण्यासाठी सर्व घटनांतील मये वासियांनी खंबीरपणे सहकार्य करावे असे आवाहन समितीचे अध्यक्ष, काशिनाथ मयेकर, सखाराम पेडणेकर, हरी नाईक, बाळकृष्ण प्रभू, हरिश्‍चंद्र च्यारी यांनी दिली.

कॉंग्रेसने काल आपल्या २२ उमेदवारांच्या नावांची यादी जाहीर केल्याच्या पार्श्‍वभूमीवर भाजप आपल्या उमेदवारांच्या नावांची यादी आज जाहीर करणार असल्याचे पक्षातील सूत्रांनी सांगितले.

पक्षाचे राष्ट्रीय अध्यक्ष नितीन गडकरी यांचे काल उशिरा रात्रौ गोव्यात आगमन झाले. ते येथील स्थानिक नेत्यांशी सल्लामसलत करून महत्त्वाचे निर्णय घेणार असल्याचे सूत्रानी स्पष्ट केले.

गोवा विधानसभेसाठी राष्ट्रवादी कॉंग्रेस पक्षाचे सहा मतदारसंघ निश्‍चित झाल्याचे सांगून सातवा मतदारसंघ कुठ्ठाळी की मये याबाबत निर्णय आज पर्यंत होणार असल्याचे पक्षाचे राष्ट्रीय नेते तथा केंद्रीय मंत्री प्रफुल्ल पटेल यांनी संध्याकाळी पत्रकारांजवळ बोलताना सांगितले.

आरुषी तलवार हत्या प्रकरणी गाझियाबाद न्यायालयाने आपली सुनावणी काल २९ फेब्रुवारीपर्यंत पुढे ढकलली. आपला खटला गाझियाबाद न्यायालयाकडून सर्वोच्च न्यायालयात हलवावा असा अर्ज डॉ. राजेश व नुपूर तलवार यांच्या वतीने सादर करण्यात आला असल्याचे त्यांच्या वकिलांनी सांगितले.

अमेरिकेतील हॉर्वर्ड आणि प्रिन्सटन या दोन प्रतिष्ठित व जगविख्यात विद्यापीठांमध्ये प्रवेश घेण्याचा प्रयत्न करीत असताना आपल्याला वर्णभेदास सामोरे जावे लागल्याची तक्रार भारतीय वंशाच्या विद्यार्थ्यांनी केली असल्याने अमेरिकी प्रशासनाने त्यासंदर्भात चौकशी सुरू केली आहे.

‘ऑल इंडिया मायनॉरिटी फ्रंट’ हा पक्ष होऊ घातलेल्या गोवा विधानसभा निवडणुकीत सर्व ४० ही जागा लढवणार असल्याचे पक्षाचे अध्यक्ष एस. एम. असिफ यांनी काल येथे घेतलेल्या पत्रकार परिषदेत सांगितले.

गेल्या आठ दिवसांमागे मॉस्को येथील लांता टूरतर्फे चार्टर विमानातून ५०० पेक्षा अधिक पर्यटक गोवा दर्शनासाठी आलेले होते. मात्र लांता टूर आर्थिकदृष्ट्या डबघाईस आल्याने सदर पर्यटक गोव्यात अडकवून पडले. रशियाच्या मुंबई येथील दूतावासाने याबाबत मध्यस्थी करून त्यांना सुखरूप मायदेशी जाण्यासाठी प्रयत्न केले व भारतातील कॅपेर ट्रॅव्हल्सने हॉटेलातील सर्व बिलाची रक्कम देऊन त्यांना चार्टर विमानातून पाठविण्यात येत आहे असे रशियातील मुंबई येथील राजदूत निवासातील वकील आलेक्सी नोव्हीको यांनी घेतलेल्या पत्रकार परिषदेत सांगितले.

सार्वजनिक बांधकाम खात्याचे मंत्री चर्चिल आलेमाव यांनी केलेल्या भ्रष्टाचाराबाबत आपण आता केंद्रीय थेट कर मंडळाचे अध्यक्ष, सीबीआयचे विशेष संचालक, केंद्रीय दक्षता आयोग, अमलबजावणी संचालक आदींकडे तक्रार केली असल्याचे एनएसयूआयचे उपाध्यक्ष सुनील कवठणकर यांनी काल येथे घेतलेल्या पत्रकार परिषदेत सांगितले.

इंडियन प्रिमियर लीगसाठी काल झालेल्या लिलावात गतवर्षीप्रमाणेच यंदाही विलक्षण चुरस दिसून आली. क्रिकेटपटू रवींद्र जडेजा याला प्रचंड मागणी असल्याचे दिसून आले. त्याच्यावर चेन्नई सुपर किंग्ज आणि डेक्कन चार्जर्स या दोन्ही संघांनी वीस लाख डॉलरची बोली लावली. मात्र समान बोली लावली गेल्याने नंतर ‘टायब्रेकर’ बोलीद्वारे चेन्नई सुपर किंग्जने बाजी मारली. सकाळी झालेल्या लिलावात ज्यांच्यावर बोली लावली गेली त्या सतरा खेळाडूंपैकी सहाजण भारतीय खेळाडू होते. गेल्या वर्षी गौतम गंभीरवर कोलकता नाईट रायडर्सने २४ दशलक्ष डॉलरची बोली लावली होती.

- रमेश सावईकर

मुक्तीनंतर गोवा प्रदेश सर्वच क्षेत्रांत बदलत गेला आहे. आर्थिक, सामाजिक, सांस्कृतिक आणि राजकीय क्षेत्रात होणार्‍या स्थित्यंतरांमुळे गोमंतकीय जनतेचे जीवन झपाट्याने बदलले. या बदलत्या जीवनमानाचे काही फायदे जरूर आहेत, पण त्याचे वाढत जाणारे तोटे गोमंतकीयांना निश्‍चितच विचार करायला लावणारे आहेत. राजकीय क्षेत्राचा विचार करता, गोव्याची राजकीय परिस्थिती अपेक्षेपेक्षा बदलत जाऊन एका वेगळ्याच टप्प्यावर येऊन ठेपली आहे. राज्यात होणार्‍या विधानसभा किंवा पंचायत निवडणुका लढणे आणि जिंकणे ही सर्वसामान्य माणसाच्या दृष्टीने अशक्यप्राय बाब बनली आहे. निवडणुकांबाबत पक्ष, व्यक्ती, जातीयवाद आदी बाबी प्रमुख घटक ठरतात. त्याचबरोबर सत्ता आणि पैसा यांचा खेळही महत्त्वाचा असतो, नव्हे आहेच! केव्हढीही बंधने येवोत, निर्बंध जारी होवोत, निवडणुकांना लागलेले हे ‘सत्ता-पैसा’च्या वर्चस्वाचे ग्रहण सुटणे कठीण आहे. १९६३ साली गोवा, दमण व दीव संघप्रदेशासाठी पहिली विधानसभा निवडणूक झाली. गोवा मुक्तीनंतर या प्रदेशातल्या पीडित, गरीब व कष्टकरी बहुजन समाजाला कै. भाऊसाहेब बांदोडकर यांचे कर्तबगार नेतृत्व लाभले. त्यांनी स्थापन केलेल्या महाराष्ट्रवादी गोमंतक पक्षाने १९६३ सालची निवडणूक जिंकली नि कै. भाऊसाहेब बांदोडकर गोव्याचे पहिले मुख्यमंत्री बनले.

राज्यातील बांधकाम व्यावसायिकांवर पडलेले आयकर विभागाचे छापे, या व्यावसायिकांकडून एका राजकारण्याने कोट्यवधींची लाच स्वीकारल्याचा आरोप आणि त्यानंतर प्रादेशिक आराखड्याचे हत्यार वापरून झालेल्या जमीन रूपांतरणाची प्रकरणे गोव्यात सध्या काय चालले आहे ते सांगण्यास पुरेसे आहे. व्यावसायिकांना व्यवसाय करायचा असेल तर स्थानिक राजकारण्यांकडून हिरवा कंदील मिळवल्याखेरीज तरणोपाय राहात नाही, कारण अन्यथा त्यांची पावलोपावली अडवणूक आणि छळणूक होते. त्यामुळे विनासायास सर्व कामे व्यवस्थित मार्गी लागावीत म्हणून राजकारण्यांना खुश करून टक्केवारीचे गणित सोडवणे त्यांना अधिक सोयीस्कर वाटू लागले आहे. गोव्यात सदनिका प्रचंड महागल्या आहेत, त्यामागे जमिनीचे वाढलेले दर हे कारण तर आहेच, परंतु राजकारण्यांना चारावा लागणारा मलिदा हेदेखील एक प्रमुख कारण आहे. गृहप्रकल्पांना वीज - पाण्याची जोडणी जरी हवी असेल तरी राजकारण्यांना, नोकरशहांना टक्केवारीचे गणित सोडवून दाखवल्याखेरीज कोणी एक पाऊल पुढे टाकू शकत नाही अशी परिस्थिती आहे. वर्षानुवर्षे हे चालत आले आहे आणि आता तर गळ्याशी येऊन ठेपले आहे.

- प्रदीप आनंद नाईक

आपल्या जीवनाच्या वाटचालीत आपल्याला अनेक माणसे भेटतात, पण त्यातील अवघीच कायम स्मरणात राहतात. जीवनातील बर्‍यावाईट प्रसंगांपैकी थोडेच प्रसंग आपल्या मनात कायमचे घर करून राहतात. तद्वत अनेक कार्यक्रम वा उत्सवांतील अगदी मोजकेच कार्यक्रम आपल्या स्मृतीपटलावर कायमचे कोरले जातात, हेदेखील तितकेच खरे! असाच समस्त गोमंतकियांना भावलेला, आपल्या बुद्धीला चालनाच नव्हे तर वैचारिक खाद्य पुरविणारा गोवा राज्य कला आणि संस्कृती संचालनालय आयोजित दामोदर धर्मानंद कोसंबी वैचारिक महोत्सव. हा महोत्सव समस्त गोमंतकीयांत आता ‘डी. डी. कोसंबी वैचारिक महोत्सव’ वा ‘फेस्टीव्हल ऑफ आयडीयाज’ म्हणून रूढ झाला आहे.

- लाडोजी परब

ठाकर आदिवासी जमातीच्या विविध लोककला ऐतिहासिक आणि कोकणच्या संस्कृतीचे दर्शन घडवितात. पिंगुळी (ता. कुडाळ, जि. सिंधुदुर्ग) येथील ठाकर आदिवासी जमातीच्या विविध लोककलांतील ‘चित्रकथी’ ही परंपरेनुसार पिढ्यान्‌पिढ्या चालत आलेली लोककला! रामायण, महाभारतातील पौराणिक कथांवर आधारलेली चित्रे जेव्हा दिव्यासमोर येतात, तेव्हा ती चक्क बोलू लागतात. चित्रकथीतील चित्रे रंगपटावर नाचू लागतात. सुमारे ३०० वर्षांपूर्वीच्या चित्रांच्या काही पोथ्या ठाकर आदिवासी समाजाने आजही जतन करून ठेवल्या आहेत. या लोककलेने कोकणच्या लोकसंस्कृतीत भर घातली आहे. सोमेश्‍वराच्या ‘मानसोल्लासा’मध्ये उल्लेख असलेली ‘चित्रकथी’ म्हणजे चित्रांद्वारेच कथन केली जाणारी कथा होय. हे एक कुतूहल, आकर्षण आदिवासी जमातीने जतन केले आहे.

येथील कदंबा बस स्थानकासमोरच्या मुख्य रस्त्याच्या बाजूला अग्निशमन दलाच्या कार्यालयासमोर १० चाकी ट्रकाचे मागील चाक डोक्यावरून गेल्याने मूळ मालार दिवार येथील अनिल सावळ (५४) हा दुचाकीस्वार जागीच ठार झाला.

हुमटावाडो - कळंगुट येथे एका गेस्ट हाऊसवर छापा टाकून कळंगुट पोलिसांनी दोघा दलालांना अटक केली. एकजण फरारी आहे. अटक केलेल्यांची नावे प्रमोद गुर्जन (३४), रा. मध्य प्रदेश व किरण राज (२५), रा. केरळ अशी आहेत. पोलिसांनी एका रशियन महिलेची सुटका करून तिला रायबंदर येथे रिमांड रुममध्ये पाठविले.

तामणे-पैंगीण येथील अनिल माधव टेंगसे यांच्या घरालगत एका बिबट्याला जेरबंद करण्यात काणकोणच्या अभयारण्य विभागाला यश आले. जेरबंद करण्यात आलेला बिबटा नर जातीचा असून साधारण पाच वर्षे वयाचा आहे. त्याची रवानगी बोंडला अभयारण्यात करण्यात आली असल्याची माहिती अभयारण्य विभागाचे प्रमुख विलास गावस यांनी दिली.

प्रसिद्ध हिंदी चित्रपट दिग्दर्शक राज कंवर यांचे काल निधन झाले. ‘दीवाना’ (१९९२) या चित्रपटापासून आपली चित्रपट कारकीर्द सुरू केलेल्या कंवर यांनी ‘लाडला’, ‘जीत’, ‘जुदाई’, ‘दाग’, ‘बादल’, ‘हर दिल जो प्यार करेगा’ व ‘अंदाज’ या चित्रपटांचे दिग्दर्शन केले होते.

एनएसयूआयचे उपाध्यक्ष सुनिल कवठणकर यांनी संघटनेच्या आचारसंहितेचे उल्लंघन करून कॉंग्रेस पक्षाविरोधी कारवाया सुरू केल्याने त्यांची संघटनेतून हकालपट्टी करण्याची शिफारस आपण संघटनेच्या राष्ट्रीय नेत्यांना केली आहे. यासंबंधी लवकरच आदेश जारी होईल, असे एनएसयूआयच्या हसिबा अमिन यांनी काल पत्रकार परिषदेत सांगितले.

दि. ३ मार्च रोजी होणार्‍या गोवा विधानसभा निवडणुकीसाठी उमेदवारी अर्ज भरण्यासंबंधीची अधिसूचना दि. ६ रोजी जारी करण्यात येणार असून अर्ज भरण्यासाठी येणार्‍या उमेदवाराला फक्त तीन वाहने घेऊन येण्याची मान्यता असेल, तर मिरवणूक आणल्यास ती निर्वाचन अधिकार्‍यांच्या कार्यालयापासून शंभर मीटर अंतरावर थांबवावी लागेल. या खर्चाचा उमेदवाराच्या निवडणूक खर्चात समावेश केला जाईल, असे संयुक्त मुख्य निवडणूक अधिकारी नारायण नावती यांनी काल पत्रकार परिषदेत सांगितले.

आके येथील कॉश्ता फॅक्टरी लगत भूयारी मलनिःस्सारसाठी जीईसी पाईप साठवून ठेवले त्याला काल दुपारी अचानक आग लागून, एक लाख रुपयांची हानी झाली. या आगीत १० पाईप जळाले तर अग्नीशामक दलाने धाव घेऊन ती विझविल्याने २ लाख रुपयांच्या वाहिन्या वाचविल्या. या वाहिन्याच्या ठेकेदाराचे नाव मिळू शकले नाही.

गोवा प्रदेश कॉंग्रेस पक्षाचे सरचिटणीस विजय सरदेसाई यांची ई- मेल उघडून माहिती चोरण्याचा प्रयत्न केल्याची घटना घडली असून तशी तक्रार विजय सरदेसाई यांनी दक्षिण गोवा पोलीस अधीक्षकांकडे केली आहे.

उत्तर गोव्याचे खासदार श्रीपाद नाईक यांना राज्याच्या राजकारणात प्रवेश करण्यापासून रोखण्याच्या प्रयत्नांमुळे भाजपमधील गोंधळ वाढत गेल्याने पक्षश्रेष्ठींनी त्यांच्या पर्वरी मतदारसंघातून निवडणूक लढविण्याच्या प्रस्तावावर गंभीरपणे फेरविचार सुरू केल्याचे कळते. भाजपचे राष्ट्रीय अध्यक्ष नितीन गडकरी दि. ४ रोजी रात्री किंवा दि. ५ रोजी गोव्यात येणार असून त्यावेळीच या संबंधीचा निर्णय होण्याची शक्यता आहे.

व्हेरोडा बाळ्ळी येथील साम देवारूप समितीचे अध्यक्ष कमलाकांत बाबुसो गावकर यांनी गावचा विरोध असतानाही आमदार ज्योकीम आलेमाव यांना कोपरा बैठक घेण्यास मदत केल्याने तेथील युवकांनी त्यांना जाब विचारत मारहाण केली, अशी तक्रार कुंकळ्ळी पोलिस स्थानकात करण्यात आली. यावेळी पोलिसांनी अशोक फडते, सुरेश गावकर, संतोष गावकर, सूर्या मुळेकर, दीपेश तवडकर, रोहिसा गावकर, शशी गावकर व श्याम गावकर या आठ जणांना पोलिसांनी अटक केली.

भारतीय भाषा सुरक्षा मंचातर्फे रविवार ५ फेब्रुवारी रोजी सकाळी ९.३० वा. गोमंतक मराठा समाज सभागृह पणजीत गोव्यातील सर्व तालुक्यातील पालक महासंघ प्रतिनिधींचा मेळावा आयोजित केला आहे. या मेळाव्यास सुमारे ५०० पालक संघाचे प्रतिनिधी उपस्थित राहतील असा विश्‍वास मंचाने प्रसिद्धीस दिलेल्या पत्रकाद्वारे व्यक्त केला आहे. या मेळाव्याच्या अध्यक्षस्थानी मंचाच्या राज्य निमंत्रक शशिकला काकोडकर असतील. मंचाच्या काल गुरुवारी पणजीतील सिद्धार्थ बांदोडकर भवनामध्ये आयोजित केलेल्या बैठकीत मंचातर्फे पुन्हा एकदा विधानसभेच्या निवडणुकीच्या पार्श्‍वभूमीवर आंदोलनाचे विविध टप्पे ठरवण्यात आले.

सार्वजनिक बांधकाम मंत्री चर्चिल आलेमाव यांनी आपल्या खात्यात ३०० कोटी रुपयांचा भ्रष्टाचार केल्याची तक्रार एनएसयूआयचे उपाध्यक्ष सुनील कवठणकर यांनी पणजी पोलिसात तसेच गुन्हा अन्वेषण विभागात नोंदवली आहे. याप्रकरणी सार्वजनिक बांधकाम खात्याचे अभियंते पी. टी. पारकर व गोव्याचे मुख्य सचिव संजय श्रीवास्तव यांच्याविरुद्धही तक्रार करण्यात आलेली आहे.

अखिल भारतीय तृणमूल कॉग्रेसने गोव्यात ३ मार्च २०१२ होणार्‍या विधानसभा निवडणुकीसाठी आपल्या उमेदवारांची पहिली यादी जाहीर केली आहे. या यादीत १० उमेदवारांची नावे जाहीर केली आहेत.

तामीळनाडू विधानसभेतील विरोधी पक्षनेते विजयकांत यांना विधानसभेत मुख्यमंत्री जे. जयललिता यांच्याशी शाब्दीक चकमक उडाल्यानंतर दहा दिवसांसाठी सभागृहातून निलंबित करण्यात आले. सभापती डी. जयकुमार यांनी ही कारवाई केली. विजयकांत व त्यांच्या डीएमडीके या पक्षाच्या आमदारांनी जयललिता यांच्याविरुद्ध आघाडी उघडली होती. काल सभागृहाचे कामकाज सुरू होताच जयकुमार यांनी विजयकांत यांना हक्कभंग समितीच्या शिफारशीनुसार निलंबित करण्यात येत असल्याचे जाहीर केले. त्यानंतर डीएमडीके सदस्यांनी जोरदार घोषणाबाजी केली व सभात्याग केला.

वेर्ला पर्रा येथे राहणार्‍या व मूळ पश्‍चिम बंगालमधील एका कंत्राटदाराच्या १५ वर्षीय मुलीस पळवून नेऊन सदर कंत्राटदाराकडे चार लाख रुपयांच्या खंडणीची मागणी अपहरणकर्त्याने केली आहे. सदर खंडणी न दिल्यास मुलीला ठार मारण्याची धमकी दिल्याची तक्रार मुलीच्या आईने म्हापसा पोलिसांत दाखल केली असून तिने सुजय मंडळ या कामगदाराविषयी संशय व्यक्त केला आहे.

ईजिप्तमधील पोर्ट सैद या शहरात फुटबॉल सामन्यावेळी उसळलेल्या दंगलीत ७४ जण मारले गेले. तर एक हजारजण जखमी झाले आहेत. ‘फिफा’ने हा फुटबॉलच्या इतिहासातील काळा दिवस असल्याची प्रतिक्रिया व्यक्त केली आहे. यजमान संघ अल मस्रीने कैरोच्या अल अहली या संघावर ३ - १ ने विजय मिळवताच रेफ्रीने सामना संपल्याची शिट्टी वाजवताच दंगल उसळली.

माध्यमांनी आपल्या जबाबदारीचे भान ठेवून सत्य मांडावे

पेड न्यूजचा मुद्दा उपस्थित करून प्रसारमाध्यमांना लक्ष्य करण्याचा आमचा कोणताही इरादा नाही असे स्पष्ट करतानाच प्रसारमाध्यमांनी आपली जबाबदारी ओळखून मतदारांना योग्य व सत्य ती माहिती आपल्या वृत्तांतून द्यावी, असे आवाहन भारतीय निवडणूक उपायुक्त सुधीर त्रिपाठी यांनी काल प्रसारमाध्यमांशी ‘पेड न्यूज’ या विषयावर वार्तालाप करताना केले.

- डॉ. राजीव कामत, खोर्ली, म्हापसा

दि. १४ व १५ जानेवारी या दिवशी पणजी येथे कला अकादमीच्या सभागृहात ‘गझल सागर प्रतिष्ठान’ या संस्थेतर्फे सहावे अ. भा. मराठी गझल संमेलन पार पडले. देेशाच्या विविध भागांतल्या प्रतिनिधींनी आपली हजेरी लावून हे संमेलन यशस्वी करण्यास हातभार लावला. काही कारणास्तव मी पहिल्या दिवशी या संमेलनाला हजर राहू शकलो नाही, पण दुसर्‍या दिवशी संबंध दिवस उपस्थित राहून मी या संमेलनाचा आस्वाद घेतला.

महाराष्ट्रातील सिंधुदुर्ग जिल्ह्याच्या राजकारणावर आपली मजबूत पकड ठेवणार्‍या नारायण राणे यांच्या त्या बालेकिल्ल्यात जागोजागी सुरूंग लावून राज्याचे उपमुख्यमंत्री अजित पवार यांनी आव्हान उभे केले आहे. त्यानंतर ज्या तर्‍हेने उभय नेत्यांमध्ये जाहीर आव्हाने - प्रतिआव्हाने झडली, ते पाहाता महाराष्ट्राच्या राजकारणात याचे दूरगामी पडसाद यापुढील काळात उमटल्यावाचून राहणार नाहीत. अजित पवार यांनी स्वतःला संपूर्ण महाराष्ट्राचा नेता म्हणून पुढे आणण्याच्या जोरदार हालचाली सुरू केल्या आहेत. आपल्या राष्ट्रवादी कॉंग्रेस पक्षामध्ये इतर पक्षांचे नेते आणण्याची मोठी मोहीम राबवून आणि छोटे - मोठे मासे गळाला लावून त्यांनी कॉंग्रेसचे सत्तासोबती असूनही त्यांना वरचढ ठरण्याची जय्यत तयारी केलेली दिसते. सध्या महाराष्ट्रात जिल्हा परिषद निवडणुकांचे दिवस आहेत. त्या पार्श्वभूमीवर ही जी जमवाजमव अजित पवारांच्या माध्यमातून राष्ट्रवादी कॉंग्रेसने चालवली आहे, त्यामुळे उभय पक्षांमध्ये तणाव निर्माण होणे स्वाभाविक आहे. मात्र, कॉंग्रेस नेतृत्वाने यासंदर्भात संयमी भूमिका स्वीकारून राष्ट्रवादीच्या घोडदौडीचे मूक साक्षीदार बनणेच पसंत केलेले असताना राणे यांचाच पापड का मोडावा याचे उत्तरही स्पष्ट आहे.

ए. राजा यांनी मनमानीपणाने स्वस्तात वाटलेले १२२ टूजी स्पेक्ट्रम रद्दबातल ठरवण्याचा सर्वोच्च न्यायालयाचा कालचा निवाडा विद्यमान केंद्र सरकारच्या तोंडावरची जोराची थप्पड आहे. ‘‘हे वादग्रस्त स्पेक्ट्रम वाटप राजा यांनी केले,’’ ‘‘त्यांनी त्या आधीच्या राष्ट्रीय लोकशाही आघाडी सरकारच्या धोरणाचीच अंमलबजावणी केली,’’ ‘‘पंतप्रधानांनी वेळोवेळी दिलेले सल्ले राजा यांनी निर्णय घेताना धुडकावले,’’ वगैरे कितीही युक्तिवाद करून जनतेचे लक्ष अन्यत्र वळवण्याची धडपड आता कपिल सिब्बल प्रभृतींनी चालवली असली तरी ‘बूँदसे गयी वो हौदसे नही आती’ हे त्यांना कळायला हवे. राजा आज तुरुंगात आहेत म्हणून या घोटाळ्याची सर्व जबाबदारी त्यांच्यावर ढकलून पंतप्रधान डॉ. मनमोहनसिंग तसेच माजी अर्थमंत्री व विद्यमान गृहमंत्री पी. चिदंबरम यांना नामानिराळे होता येणार नाही. चिदंबरम यांचीही या खटल्यात सहआरोपी म्हणून सीबीआयमार्फत चौकशी व्हावी ही डॉ. सुब्रह्मण्यम स्वामी यांची मागणी न्यायालयाने सत्र न्यायालयापुढे निर्णयार्थ पाठवलेली असली, तरी त्याचा अर्थ ती मागणी धुडकावली गेली आहे असा होत नाही. खालच्या न्यायालयाला त्यावर दोन आठवड्यांत निर्णय घ्यायचा आहे.

- प्रकाश शांबा पर्येकर, धावे - तार, वाळपई.

गोपिनाथ गांवस यांचा फोन आला. म्हणाले ‘आबा गेले....’ काल संध्याकाळी मृत्यूशी झुंज देताना त्यांना मी जवळून पाहिलं होतं. वाळपई येथे आमशेकर हॉस्पिटलात प्राथमिक उपचार सुरू होते. तद्नंतर गोमेकॉत पुढील उपचारासाठी त्यांना आणण्यात आले होते. सकाळी त्यांचे पुत्र रणजित राणे यांना फोन करून त्यांच्या प्रकृतीची चौकशी केली होती. संध्याकाळी त्यांना पाहण्यासाठी गोमेकॉत जाणार होतो, त्याच्या अगोदरच ते गेले...

भाजपचे ज्येष्ठ नेते व उत्तर गोव्याचे खासदार श्रीपाद नाईक हे कुरवपूरला (आंध्रप्रदेश) गेले असल्याची माहिती प्रदेशाध्यक्ष लक्ष्मीकांत पार्सेकर यांनी काल दिली. कुरवपूर हे प्रसिद्ध दत्तक्षेत्र आहे. तीन दिवसांनंतरच ते गोव्यात परतणार असल्याचे ते म्हणाले.

ज्येष्ठ संगीतकार आणि संगीतसंयोजक अनिल मोहिले यांचे काल बुधवारी पहाटे तीनच्या सुमारास हृदयविकाराने निधन झाले. ते ७१ वर्षांचे होते. कयामत से कयामत तक, लेकीन, शराबी, डॉन, थोडीसी बेवफाई, अभिमान या सारख्या सुपरहिट चित्रपटातील संगीत संयोजन त्यांनी केले.

विधानसभा निवडणुकीतील मगो-भाजप युती संबंधीचा निर्णय उद्या मगो पक्षाच्या संसदीय मंडळाच्या बैठकीनंतरच होणार असे अध्यक्ष दीपक ढवळीकर यांनी सांगितले.

अबकारी पथकाकडून बेकायदेशीर मद्याविरोधातील मोहीम चालूच असून केपे, फोंडा व साखळी परिसरात ठिकठिकाणी मद्य जप्त करण्यात आले.

फोंडा येथे आज दुपारी २ ते ५.३० च्या दरम्यान अबकारी खात्याच्या भरारी पथकाने तीन ठिकाणी छापे टाकून जवळ जवळ ९० हजार रुपयांचा मद्यसाठा जप्त केला.

आमोणा येथील पुलावर एका लॉरीखाली सापडून जुवाव लोबो फर्नांडिस (३५) हा केळशी कुठ्ठाळी येथील इसम मागच्या टायरखाली सापडल्याने फरफटत जाऊन जागीच ठार झाल्याची दुर्दैवी घटना आज दुपारी २.३० च्या सुमारास घडली.

गेली अनेक वर्षे भाषा, जात, धर्म हे विषय निवडणुकीच्यावेळी पुढे आणले जातात. त्यामुळे आपल्यासमोर असलेला भ्रष्टाचार हा सर्वांत मोठा विषय बाजूला ठेवला जातो. या प्रश्‍नाकडे गंभीरपणे पाहिले पाहिजे, असे प्रख्यात पॉप गायक तथा निवडणूक आयकॉन रेमो फर्नांडिस यांनी काल सांगितले.

पुण्यात येऊन ‘वस्त्रहरण’ करू असे परवा नारायण राणे यांनी कुडाळच्या सभेत सांगितल्यावर त्याला राष्ट्रवादीच्या गोटातून चोख प्रत्यूत्तर देण्यात आले.

वादग्रस्त लेखिका तस्लिमा नसरीन यांचे आत्मचरित्र ’निर्वासन’चा सातवा भाग अखेर पेचप्रसंगातच प्रकाशित झाला. कोलकाता पुस्तक मेळ्यामध्ये होणारे हे प्रकाशन आयत्या वेळी रद्द झाले, पण तरीही मेळ्याबाहेर त्याचे प्रकाशन करण्यात आले.

- भास्कर वासुदेव जोशी, कारापूर-तिस्क, साखळी

आपल्या गोव्यात निवडणूक जाहीर झाली आणि अचारसंहिताही लागू झाली आहे. त्यामुळे बर्‍याच मंत्र्यांची कोंडी झाली. नोकरभरती, अनेक विकासकामांची पायाभरणी तशीच राहून गेली. अशावेळी मला अलिबाबा आणि चाळीस चोर या गोष्टीची आठवण होते. आपले मतदारसंघ चाळीस. चाळीस मतदारसंघांचे चाळीस लोकप्रतिनिधी. अलिबाबाची एक गुहा असते आणि त्याचे चाळीस साथीदार चोरी, दरोडा घालून आणलेले धन त्या गुहेत ठेवत. नंतर अलिबाबा एक वाक्य म्हणून त्या गुहेचे दार लावून घेत असे. ते उघडण्यासाठी दुसरे वाक्य म्हणायचे. हेतू हा की ते धन कोणी पळवून नेऊ नये.

भ्रष्टाचारासारखा गंभीर गुन्हा करूनही राजकारण्यांवर आणि प्रशासनातील बड्या बड्या अधिकार्‍यांवर कारवाई करण्यात जी सर्रास चालढकल चालते, तिच्यावर आसूड ओढणारी टिप्पणी सर्वोच्च न्यायालयाने नुकतीच डॉ. सुब्रह्मण्यम स्वामी यांच्या याचिकेच्या अनुषंगाने केली आहे. माजी केंद्रीय दूरसंचार मंत्री ए. राजा यांना अटक होऊन सोळा महिने लोटले तरी त्यांच्याविरुद्ध खटला का चालवला जात नाही, असा सवाल डॉ. स्वामी यांनी केला होता, त्यासंदर्भात सर्वोच्च न्यायालयाचे हे ऐतिहासिक भाष्य आहे. लोकप्रतिनिधी अथवा सरकारी सेवकांविरुद्ध खटला चालवण्यासंदर्भातील परवानगी तीन महिन्यांच्या आत दिली गेली पाहिजे. त्यात फार तर एका महिन्याची मुदतवाढ मिळवता येईल, परंतु जर चार महिने उलटूनही अशा परवानगीसंदर्भात काय तो निर्णय घेतला जाणार नसेल, तर मात्र खटला चालवण्यास सरकारची परवानगी आहे असेच गृहित धरावे आणि संबंधित यंत्रणांनी पंधरा दिवसांच्या आत पुढील कार्यवाही सुरू करावी असे न्या. ए. के. गांगुली म्हणाले. केवळ ही टिप्पणी करूनच ते थांबलेले नाहीत, तर सरकारने या मार्गदर्शक तत्त्वांस अनुसरून भ्रष्टाचार प्रतिबंधक कायदा, १९८८ च्या कलम १९ मध्ये घटनात्मक दुरुस्ती करावी अशी सूचनाही त्यांनी सरकारला केलेली आहे.